web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria me 860 mijë banorë deri në 2100/ Raporti i OKB, sirenë alarmi"

16 Janar 2020, 19:52, Politikë CNA

Ish- deputetja e PD, Oriola Pampuri ka reaguar për raportin e OKB, në të cilin thuhet se në vitin 2100, Shqipëria do të mbetet me 860 mijë banorë.

Oriola Pampuri thotë se emigracioni shqiptar ndodh për mbijetesë dhe jo për pagesë më të mirë. Ajo shton se duhet anulimi i koncesioneve korruptive dhe largimi i kësaj qeverie që pagat më pas të rriten.
?Sipas raportit të OKB, në vitin 2100, Shqipëria do të katandiset me 860 mijë banorë, dhe kjo periudhë nuk është pas 2 apo 3 shekujsh, por pas 80 vitesh. Këmbanat për këtë boshatisje të vendit ka nisur të bien që sot. Cdo ditë raportohet për largim të Shqiptarëve, ku mes tyre me keqardhje vitet e fundit vihet re largimi i shtresës së mesme, mjekëve, inxhinierëve, profesorëve, pra në tërësi intelektualëve, pa kontributin e të cilëve ky vend nuk mund të bëjë hapa përpara?, shkruan Pampuri.

Sipas saj, një vend ku nuk ka konkurrencë të pastër, nuk ka vlerësim, ka nivel të lartë korrupsioni, sigurisht që nuk mund të mendojë për qytetarët e tij dhe nevojat bazike të tyre.

?Të dhënat tregojnë që prej vitit 2007 perceptimi I korrupsionit ka qënë më I ulëti, ku treguesi zbriti në 0.73 për tu rritur në vitet në vijim e në 2018 treguesi arriti nivelin rekord ne 0.9. E pikërisht falë këtij niveli të lartë korrupsioni, shumë prioritete janë lënë pas dore, sic janë rritja e pagave, pensioneve, ulja e tarifave për arsimin e lartë, apo lehtësimi I mundësive për tu shkolluar për studentët familjet e të cilëve kanë pamundësi ekonomike, ulje e taksave për biznesin e vogël kryesisht, me qëllim që të mbështetet dhe vetëpunësimi?, shkruan më tej Pampuri.

Ajo shprehet se largimi i kësaj qeverie, është prioritet për të rikthyer shpresën në këtë vend dhe tek këta qytetarë./CNA.al





Lajmet e fundit nga