LEXO PA REKLAMA!

SHKARKO APP

Faktet që kapin “mat” Lulzim Bashën

15 Janar 2020, 09:58, Politikë CNA
Faktet që kapin “mat” Lulzim Bashën

Ka një eufori brenda Republikës së re dhe mbështetësve të Lulzim Bashës se çështja e hetimit për financimet e lobimit në SHBA, nga off-shore ruse është mbyllur dhe tashmë Gjykata e Faktit ka dhënë një vendim për të mbyllur me proçedurë, hetimet për këtë çështje.

Në fakt, skandali fillon që me dërgimin e çështjes në Gjykatë, sepse prokurorët kanë qënë të ndarë dhe në konflikt midis tyre.

Është një çështje që është çuar në gjykatë, pa pyetur dëshmitarin kryesor, Nick Muzin, pra lobisti amerikan i cili ka bërë një deklarim në Departamentin Amerikan të Shtetit, dhe që është hetuar nga FBI-ja.

Pra, është dërguar çështja për tu mbyllur në Gjykatë, pa u pyetur dëshmitari kryesor dhe për më tepër çështja nuk është hetuar deri në fund. Janë tre pika, të cilat opinioni publik i njeh, por drejtësia shqiptare i mbyll.

Së pari, janë dokumentat e DASH, ku janë deklaruar se paratë janë paguar nga një kompani Binniata Trade, off-shore ruse, me pronarë rus. Paratë janë paguar dhe kjo është pranuar nga Departamenti Amerikan i Drejtësisë, është pranuar nga Nick Muzin, lobisti i cili ka bërë këtë deklarim.

Pra, janë dy faktorë.

Së dyti, është Lulzim Basha, i cili live në ?Opinion? ka thënë se ?Po, janë mbledhur 500 mijë dollarë, nga mbi 100 donatorë në SHBA?.

Pra, Lulzim Basha e ka pranuar dhurimin. Tek e para kemi faktin që janë kryer pagesat dhe tek e dyta kemi faktin se janë pranuar që këto kërkesa janë bërë, por jo nga off-shore, por nga donatorë. Dhe së treti, në hetim i cili është mbyllur, ka një pikë tjetër të rëndësishme.

Si mund të mbyllet një çështje pa u pyetur dëshmitari kryesor i saj?

Pra, prokuroria dhe Gjykata, megjithëse të parët kanë shkuar të ndarë, e kanë mbyllur hetimin dhe ndërkohë, që dëshmitari kryesor i çështjes, që është Nick Muzin, lobisti amerikan që ka bërë deklarimet nuk është pyetur për çështjen në fjalë.

Por, si mund të mbyllet një çështje me proçedurë, kur vetë i akuzuari pranon që ka bërë pagesën, por ndryshon burimin. Pranon që ajo ekziston, pranon dhe që është në Departamentin e Shtetit, njeh edhe lobistin,e pranon, por çështja mbyllet sepse as lobisti nuk mbyllet dhe as dokumentat nga DASh nuk merren siç duhet, por Lulzim Basha del dhe mbyll gjithçka me procedurë.

Në fakt, duket se jo çdo gjë është e mundur, sepse apeli e kthen çështjen për gjykim dhe kërkon më tej të thellohen hetimet. Që në fakt do të ishte gjëja e duhur, jo vetëm për Lulzim Bashën, por edhe për shqiptarët, që të mësonin të vërtetën. Përtej euforisë së militantëve apo mbështësve të Lulzim Bashës, të cilët duhet të mësojnë se ai është një njeri që ka lobuar disa qindra mijëra dollarë në SHBA, të cilat i ka pranuar publikisht, por ka gënjyer kur thotë se janë paguar nga donatorë.

Tani të presim çfarë do të ndodhë në shkallët e tjera të Gjykatës dhe si do të shkojë më tej çështja e Lulzim Bashës dhe e financimeve dhe lobimeve në SHBA, të cilat janë kryer jo nga donatorë dhe dhurues shqiptarë, por nga kompani off-shore me pronarë rus./ CNA.al

Skandali i lobimeve në SHBA/ Publikohen dokumentet që ?fundosin? Bashën

Video-Lulzim Basha shënon ?autogol?/ Deklarata që e vë me shpatulla pas muri

Gjykata e Ramës hedh poshtë departamentin e Drejtësisë, FBI-në dhe deklarimet e lobistit amerikan

MEGA-SKANDALI dhe dokumenti/ Lulzim Basha pagoi 950 mijë usd nga kompania Ruse offshore, prokuroria uli shifrën

Lajmet e fundit nga