web counter
LEXO PA REKLAMA!

SHKARKO APP

App Store
Google Play

“Harrohen banorët e dëmtuar nga tërmeti”/ PD: Rama po zhduk gjurmët

28 Dhjetor 2019, 16:59, Politikë CNA

Kryetari i PD, dega Durrës, Ferdinand Xhaferri, ishte pranë banorëve të dëmtuar nga tërmeti në lagjen 17.
Xhaferri ngriti shqetësimin se edhe një muaj pas tërmetit, për këta banorë nuk ka asnjë zgjidhje.
Banorët të irrituar kërkojnë një përgjigje se çfarë do të bëhet me banesat tyre ku kanë investimet e jetës. Ndërkohë që drejtojnë gishtin tek Vangjush Dako si përgjegjës për këtë situatë, duke kërkuar vënien e tij para drejtësisë.

“Nuk dua asgjë nga shteti mor vëlla. Unë dua të vijnë inxhinerët të shohin pallatin. Në qoftë se pallati është brenda standardit, hallall ua bëj, nuk dua asgjë. Unë do të iki në punën time. Edhe shtëpinë ia kam falë të gjithëve. Ama në qoftë se pallati është jashtë kushteve mua më kthe paratë, o kriminel! O Vangjush, o bandit! Çfarë mjaft, unë kam humb gjithçka. 72 vjeç I kam humb të gjitha”, – denoncon një nga banorët.

Kreu i PD, Durrës Ferdinand Xhaferri tha se qeveri duhet t?u thotë banorëve se çfarë do të bëhet me ta.

“Pra, nuk jam këtu në lagjen 17 për t’i thënë kryeministrit pse riktheu Vangjush Dakon në krye të bashkisë?! Sepse këtë e dinë mirë qytetarët e Durrësit. Nuk jam për t’i thënë pse ato 150 milionë eurot e koncensioneve nuk i jep për të dëmtuarit e tërmetit?! Se edhe këtë e dinë mirë. Dinë akoma më mirë qytetarët e Durrësit pse riktheu Arben Ahmetajn në krye të Ministrisë së Rindërtimit?! Apo pse menjëherë të vetmin vendim që ka marrë ishte për të prishur banesat. Kam dalë për t?i thënë çfarë do të bëhet me këto dhjetëra e dhjetëra familje, që kanë investimin e jetës së tyre në këto banesa dhe qeveria ka detyrimin të dalë dhe tu thotë, ti nxjerrë sepse nga paniku i pasigurisë së tërmetit kanë dalë në panikun e pasigurisë për të ardhmen. Të dalë dhe tu thotë”, u shpreh kreu i PD-së së Durrësit.

Xhaferri tha se e vetmja vendimmarrje ka qenë emergjenca dhe urgjenca për të prishur e për të zhdukur gjurmët, pasi pretendon se ky është është halli më i madh i Ramës./ CNA.al





Lajmet e fundit nga