web counter
LEXO PA REKLAMA!

SHKARKO APP

App Store
Google Play

“Dy shkollat e shembura sapo ishin rikonstruktuar”/ Vokshi denoncon abuzimin: Të nisin hetimet

28 Dhjetor 2019, 13:18, Politikë CNA

Partia Demokratike e përfaqësuar nga ish-deputetja Albana Vokshi, ka denoncuar abuzimin me rreth 1 milionë euro për rikonstruksionin e dy shkollave të shkatërruara plotësisht nga tërmeti në Thumanë dhe në Borizanë.

Albana Vokshi e shoqëruar nga sekretari për çështjet Ligjore në PD Çlirim Gjata dhe sekretari i degës së PD në Krujë Dashamir Hidraliu, që humbi motrën dhe nipin në pallatin e shembur në Thumanë, ka sjellë në vëmendje pasojat e tërmetit.

“Shkolla e mesme e bashkuar e Borizanës e cila sot është me dyer të mbyllura dhe mbi 500 fëmijë sot mësojnë në Fushë Krujë ose në Thumanë, shkolla e zhdukur tashmë e kthyer në një shkollë fantazëm e Thumanës, Bubqit, shkollat e tjera të cilat janë shndërruar tashmë në rrënoja apo u është vënë shiriti i mbylljes, janë pasoja jo të tërmetit, por të tërmetit të hajdutërisë dhe korrupsionit galopant. Këto shkolla të mbyllura apo shkollat e rrënuara të shkatërruara e kanë rrëzuar propagandën e Edi Ramës, Artur Bushit dhe kryetarëve të tjerë të bashkive dhe qeveritarëve të ngjashëm të tyre. Këto shkolla janë dëshmi se me propagandë, me ngjyra të ndezura nuk sigurohet dot jeta e fëmijëve, ndaj e përsëris apelin, duhet hetuar dhe çdokush që ka cenuar jetën e fëmijëve duhet të shkojë përpara drejtësisë dhe duhet të dënohet”, deklaroi ish-deputetja për mediat.

Vokshi i bëri thirrje Prokurorisë të kryejë hetime të thelluara dhe të vejë para përgjegjësisë ata që rikonstruktuan dy shkollat që u shembën vetëm pak kohë më pas.

?Nxisim Prokurorinë të kryejë hetime të thelluara, që nga projektuesit, që nga ata të cilët e kanë kontrolluar, kolauduar, certifikuar shkollën që shemb dhe u zhduk me urdhër nga lart. Ne nxisim Prokurorinë të hetojë. Çdokush duhet të shkojë para drejtësisë?, tha demokratja, teksa paralajmëroi se PD do t?i denoncojë të gjitha rastet abuzive./ CNA.al





Lajmet e fundit nga