web counter
LEXO PA REKLAMA!

SHKARKO APP

App Store
Google Play

Braho dënonte politikisht minorenë/ Tufa publikon dokumentet

27 Dhjetor 2019, 21:43, Politikë CNA

Ish-drejtori i Institutit për Studimin e Krimeve dhe pasojave të Komunizmit, Agron Tufa, i cili para pak kohësh ka kallëzuar Deputetin e Partisë Socialiste Spartak Braho për fyerje dhe shpifje, ka publikuar dokumente të reja ku ky i fundit ka dënuar për ?tradhëti? të atdheut, minorenin Gjergj Hani.

Përmes komentit të tij, Tufa e cilëson Brahon si jo kompentent për të bërë moral, nga momenti që dënon politikisht një minoren.

?Epo kur të merr nëpër gojë një kriminel e xhelat i diktaturës më genocidiale në botë, si Spartak Braho; kur të merr nëpër gojë, të shpif e të kërcënon, të jep dhe këshilla si të shkruash, ai që të vetmen bukuri njeh shaptilografimin e formulit të vendimeve të tij me vdekje; kur përdor ironinë e të bën moral ai që ka dhënë dënime politike me vdekje; kur të akuzon për korrupsion, ai që sekuestroi serverin e tatimeve sapo erdhi në pushtet; kur të bën moral ai që ka dënuar politikisht minorenë, atëherë shkon idioma”Hapu dhé të futem!” Njihuni me punët e Spartakiadës: dosja e dënimit të minorenit Gjergj Hani.?

Tufa e ka quajtur Brahon ?xhelat? të diktaturës, i cili edhe sot e kësaj dite duke qenë Deputet i Partisë Socialiste, po ?bën ligjin? me po të njëjtin mentalitet komunist.

“Ish i dënuari Gjergj Hani (dhe tok me të dhe ne) e ka (kemi) xhelatin e tij (tonë) deputet në Komisionin e Ligjeve, që dmth, ai edhe sot “bën Ligjin”, shkroi Tufa në rrjetet sociale.

Tufa ka publikuar fotot që pasqyrojnë dëmimin që i është dhënë minorenit nga Spartak Braho.

Kujtojmë se Agron Tufa është në pritje për të marrë azil politik në Zvicër, vend në të cilin është strehuar pas largimit javë më parë me gjithë familjen e tij numeroze për shkak, sikurse ka denoncuar: të kërcënimeve që ka marrë për punën që bënte./CNA.al





Lajmet e fundit nga