E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Rama bën skandalin e radhës/ SPAK ka në dorë provën, fsheh krimin

17 Dhjetor 2019, 12:12, Politikë CNA

Kryeministri Edi Rama në tentativë për të justifikuar përpjekjet e tij për censurimin e mediave, nëpërmjet të ashtuquajturës paketa Anti-shpifje, ka bërë një tjetër skandal.

Një ditë më parë, Rama i dha në dorë vetë një provë Prokurorisë së Posaçme Antikorrupsion.

Në një postim në rrjetet sociale, Rama ndërsa iu përgjigjej kritikave për propozimet kundër shpifjes, shkruante se ?Ose s?e kanë lexuar projekt-ligjin ose duan të prekin lirisht dinjitetin e çdokujt nëpër portale e faqe sociale dhe të tallen me të vërtetën e me opinionin publik, duke shkruar çfarë t?u teket, duke shpifur sa e si t?u teket, duke shantazhuar e duke i vënë gjoba kujt t?u teket!?.

Por, pse i fsheh dhe nuk i thotë emrat kryeministri? A po fsheh një krim Edi Rama?

Pra, vetë Rama pranon publikisht një vepër penale, ndërsa shkruan se mediat shantazhojnë dhe vënë gjoba.

Por, nëse Rama është në dijeni të një vepre penale, pse nuk iu drejtohet institucioneve, pse nuk shkon ne Prokurori ti padisë apo ti çojë në gjykatë gjobaxhinjtë?

Rama e thotë publikisht se është në dijeni për një vepër penale pasi ky vetë thotë se vënë gjoba. Ky klloun politik i përdor faktet që di si llapaqen në rrjetet sociale dhe nuk i çon aty ku duhet.

Si mundet të ndodhë që të nxjerësh një ligj që ti bësh shantazh medias, dhe të jesh ti që të vësh gjoba? Pra dy palë gjobaxhinj, ata të medias dhe qeveria që do i vëjë gjobë gjobaxhinjve.

Ne nuk jemi kundër faktit që ka abuzim dhe teprim pa asnjë dikutim, por shpifja në Shqipëri është e kriminalizuar. Ndërsa Rama tani do e heqë nga gjykatat dhe do e çojë tek bashibuzukët e tij, duke u kthyer kështu vetë në një gjobaxhi kundër medias.

Por, kur vetë thotë që është në dijeni, pse nuk i çon në prokurori. Shqipëria ka një Kod Penal, ka një ligj. Nëse ke dijeni për një vepër penale, ajo çfarë duhet bërë është pikërisht t?iu drejtohesh institucioneve.

Pas deklaratës së djeshme, Edi Rama duhet të thirret nga prokuroria si person në dijeni qe fsheh krimee, ose duhet të denoncohet për kallëzim të remë dhe shantazh ndaj medias.

Ndoshta jemi i vetmi vend në botë që kemi një kryeministër që ka në dorë të gjithë pushtetet dhe në vend të luftojë gjobaxhinjtë kërkon të kthehet vetë në gjobaxhi i gjobaxhinjve qe sot po fsheh krimet e tyre./ CNA.al