web counter
LEXO PA REKLAMA!

SHKARKO APP

App Store
Google Play

E fundit!

x

U ekzekutua në një atentat mafioz/ Lidhja e viktimës me Bandën e Lushnjes

14 Dhjetor 2019, 07:44, Kronika CNA

Një ngjarje e rëndë ka tronditur Lushnjen mëngjesin e sotëm, ku është vrarë me armë zjarri 52-vjeçari Enver Boriçi.

Sipas uniformave blu, Boriçi është gjetur i vrarë në lokalin e tij.

Burimet bëjnë të ditur se dyshohet se një person i maskuar ka hyrë në lokal dhe ka qëlluar në drejtim të 52-vjeçarit.

Por, kush është Enver Boriçi.

52-vjeçari Enver Boriçi është një ndër ish-anëtarët e Bandës së Lushnjes, pikënisje e së cilës ishte vrasja e Ramadan Shkurtit, vëllai i Alfred Shkurtit (Aldo Bares), deri atëherë efektiv i Forcave RENEA.

Ramadan Shkurti u ekzekutua në vitin 1997 nga Artur Daja dhe bashkëpunëtorët e tij. Në datë 21.10.1998 në fshatin Grabian të qytetit të Lushnjës, pasi është dëgjuar një plasje eksplozivi, janë gjetur në vendngjarje pjesë të një trupi njerëzor të shpërndara.

Pas vrasjes së vëllait të tij, Bare, me qëllim hakmarrjen ndaj shtetasit Artur Daja, shokëve, miqve dhe të afërmve të tij, krijoi të ashtuquajturën “Bandë e Lushnjes”, e cila solli përplasje të përgjakshme.

Aldo Bare hakmerret ndaj Artur Dajës, të cilin pasi e ekzekuton i pret kokën dhe e shkelmon atë rrugëve të qytetit të Lushnjes.

Ditën e vrasjes së Artur Dajës, në sheshin e qytetit të Lushnjës, pjesëtarë të grupit kriminal, të drejtuar nga Aldo Bare, kanë shëtitur nëpër shesh kokën e prerë të kufomës, Artur Daja.

Ndërmjet tyre, në ngjarjen kriminale të ekspozimit të kokës së prerë kanë qenë edhe Ilir Stergu, Arben Borici, Erion Cici, Arjan Alico, Enver Dondollaku, Leonard Prifti si dhe Enver Borici, i cili u gjet i vrarë mëngjesin e sotëm.

Enver Borici është vëllai i Arben Boriçit, i cili është i dënuar me burgim të përjetshëm./ CNA.al

Tronditet Lushnja/ Ekzekutohet me armë zjarri 52-vjeçari





Lajmet e fundit nga