web counter
LEXO PA REKLAMA!

SHKARKO APP

App Store
Google Play

E fundit!

x

Votohet Kryemistrja më e re në botë/ 34-vjeçarja udhëheq Finlandën

9 Dhjetor 2019, 16:45, Kosova & Bota CNA

Pas dorëheqjes së ish Kryeministrit finlandez Andy Rinne, detyrën e ka marrë përsipër Ministrja e Transportit në Finlandë, 34-vjeçarja Sana Marin.

Partia socialdemokrate me zgjedhjen e saj ka bërë të mundur që Finlanda të udhëhiqet nga Kryeministrja më e re në botë.

Sara Marin do të udhëheqë një qeveri të majtë ku ka koalicion me pesë parti, katër prej të cilave udhëhiqen nga gra.

34-vjeçarja Marin do të mbetet udhëheqësja e partisë Social Demokrate të paktën deri në kongresin e partisë në muajin qershor. Social Demokratët rezultuan të jenë partia më e madhe në zgjedhjet e prillit dhe për këtë arsye ishin ata të cilët propozuan një qeveri me koalicion të udhëhequr nga Kryeministrja.

Kur të marrë detyrën, Marin do të jetë Kryeministrja më e re në botë. Drejtues të tjerë të rinj ndërkombëtarë përfshijnë Kryeministrin e Zelandës së Re Yasinda Ardern, 39 vjeç, Kryeministrin e Ukrainës Oleksiy Hodcharuk, 35 vjeç, liderin e Koresë së Veriut Kim Jong-un, i cili dyshohet të jetë 36-vjeçar, dhe 38-vjeçari Nebul Akbarov.

?Kemi shumë punë për të bërë në mënyrë që të rikthejmë besimin?, ka deklaruar Sara Marin për mediat. Sara Marin do të jetë udhëheqësja e tretë për shtetin finlandez dhe më e reja në moshë për historinë e vendit./CNA.al





Lajmet e fundit nga