web counter
LEXO PA REKLAMA!

SHKARKO APP

App Store
Google Play

“Nuk munda ti rezistoj”/ Galdini publikon foton prekëse të ish-mësuesit 85-vjeçar

19 Tetor 2019, 09:35, Politikë CNA

Kryetari i LDE-së, Arian Galdini ka publikuar në një postim në rrjetet sociale, një foto prekëse të një ish-mësuesi, i cili jeton në kushte tejet të varfëra.

Ish-mësuesi, me 5 fëmijë, sot është 85 vjeç, fle në një krevat druri të sajuar me dhoga, në dhomën e tij ku jeton ka veç atë minibibliotekë gjithashtu të sajuar me dhoga dhe atë shtrat.

Por, sikurse shkruan Galdini, ?mbi krye nuk mban as foto të bashkëshortes së ndjerë, as të fëmijëve të tij, as të nipërve dhe mbesave…
Mban sipas porosisë së Edi Ramës, foton e Ismail Qemalit dhe sipas bindjes së tij personale foton e Sali Berishës…?

Postimi i plotë:

Nuk munda ti rezistoj kësaj fotoje…

Ky i moshuari këtu është 85 vjeç, ish mësues, me 5 fëmijë, tmerrësisht i varfër, pabesueshmërisht i varfër, fle në një krevat druri të sajuar me dhoga, në dhomën e tij ku jeton ka veç atë minibibliotekë gjithashtu të sajuar me dhoga dhe atë shtrat, e megjithatë mbi krye nuk mban as foto të bashkëshortes së ndjerë, as të fëmijëve të tij, as të nipërve dhe mbesave…
Mban sipas porosisë së Edi Ramës, foton e Ismail Qemalit dhe sipas bindjes së tij personale foton e Sali Berishës…

Kur e vizitova sot në shtëpinë e tij, nuk i fola për asgjë…

I kërkova leje veç për këtë foto…

U tregua i mirë e më lejoi.

Foton ma bëj, tha, por votë sta jap.

I thashë: Votën tënde nuk e dua se bëj mëkat po ta kërkoj.

Por një nder e dua prej teje, i thashë, lëru porosi djemve të ti japin me vete këto dy foto që ke mbi krye kur të shkosh në atëbotë… Të uroj jetë të gjatë. Por kur të të vijë koha për të kaluar matanë, meri këto 2 foto me vete, mos të humbasësh rrugën andej… Se këndej e paske zgjidh gjithçka…./ CNA.al





Lajmet e fundit nga