Connect with Us

Kush është Arben Kashahu, sekretari i ri i Bashës, i skandaleve të qeverisë Berisha

Politikë

Kush është Arben Kashahu, sekretari i ri i Bashës, i skandaleve të qeverisë Berisha

Publikuar

-

Sot në mesditë Lulzim Basha shkarkoi nga detyra servilin e tij të radhës, Gert Bogdanin, pas artikulimeve dhe qëndrimeve të tij të forta kundër memorialit turk tek kodrat e liqenit. Pas krijimit të një përplasjeje, midis tij dhe qëndrimeve të Lulit, Bogdani u shkarkua megjithëse u gjet rruga e një dorëheqjeje.

Menjëherë, pas disa minutave, Basha gjeti skandalozin e rradhës.

Zëvendësi i Gert Bogdanit do të jetë Arben Kashahu, një emër jo pak i njohur nga demokratët dhe strukturat e PD-së së Tiranës gjatë qeverisjes së mandatit të parë  2005-2009.

Menjëherë Lulzim Basha e shpalli si një negociator të madh, si një njeri që kishte marrë pjesë tek marrëveshja e stabilizim asociimit, si një diplomat e të tjera si këto gënjeshtra që Luli, nuk ngopet duke i thënë.

Por kush është Arben Kashahu, njeriu i shumë skandaleve gjatë qeverisjes Berisha?

Kashahu ka dhënë dorëheqjen nga detyra pasi një dosje e madhe atëherë i është dorëzuar Sali Berishës nga zëvëndësministrja e Integrimit, Jorida Tabaku.

Një dosje voluminoze për të cilën në atë kohë Doktori tha se, Kashahu duhet të shporrej, dhe jo ti pranohej dorëheqja. Gjithsesi atij iu pranua dorëheqja dhe nuk vazhdoi më të punonte në Ministrinë e Integrimit ku kish pasur 1001 probleme. Dosja e shkarkimit thuhet se ka edhe disa tendera brenda.

Një dosje e trashë të cilën duhet ta ketë doktori, e di mirë edhe Lulzim Basha, i cili sot e emëroi sekretar.

Pra dosja që çoi në një dorëheqje, e cila kishte jo pak zullume, ndërkohë nga ana tjetër mësohet se të tjera incidente, kanë bërë në atë kohë që Kashahu të dëgjohej dhe të përflitej si emër në strukturat e larta të Policisë së Shtetit.

Incidente të ndodhura në disa hotele dhe përplasje të këtij lloji që dihen mjaft mirë nga njerëzit e Ministrisë së Integrimit. Askush nuk i fsheh dot, të gjithë i dinë, kushdo që ka punuar në Ministri të Integrimit.

LEXO EDHE:  Këshilltari mizerabël sulmon Bashën

Më tej ai shitet si një njeri i lidhur fort me Partinë Demokratike dhe me kontibut të madh.

Në fakt, pas përfundimit të zgjedhjeve dhe certifikimit të rezultatit te vitit 2009, Partia Demokratike bëri verifikimet nëpëmjet strukturave se kush nga funksionarët e saj të lartë kishte votuar ose jo dhe, nga sa rezultoi në atë kohë, Arben Kashahu ishte një nga njerëzit që nuk kishte votuar në zgjedhjet e 2009.

Kaq demokrat i madh ishte sa as nuk kishte shkuar të votonte dhe nuk qe paraqitur fare të mbulonte një qendër votimi që i ishte caktuar në atë kohë, në degën e Tiranës diku tek Shkolla “Sami Frashëri”.

Por këto janë pak detaje për të treguar se kush është Sekretari i ri i Marrëdhënieve me Jashtë i Lulzim Bashës.

Ajo që është e rëndësishme është fakti që Luli duhet të na tregojë a e ka dosjen e Arben Kashahut në zyrë? Dhe pse e emëroi kur i di mjaft mirë skandalet e tij.

Nëse nuk e ka apo bën sikur ka harruar, mirë  është t’ja marrë Doktorit, sepse ai e ka të plotë. Nëse nuk ia kërkon dot Doktorit, mund të thërrasë dhe t’ja kërkojë të dhënat, Jorida Tabakut. E nëse nuk e bën këtë do t’ia publikojmë ne, ditë pas dite, dosjen e Sekretarit të tij skandaloz, të cilit sot i ngarkoi Marrëdhëniet me Jashtë në Partinë Demokratike./CNA.al

 

Për të rejat më të fundit behuni pjesë e grupit tonë në facebook : City News Albania
1 Koment

Komentoni

Your email address will not be published. Required fields are marked *

Politikë

Akuzat për fshehjen e pasurisë/ PD kërkesë Prokurorisë: Në ç’fazë janë hetimet për Ervin Bushatin

Publikuar

-

Nga

Partia Demokratike i ka kërkuar Prokurorisë së Tiranës informacion zyrtarë se në cfarë faze janë hetimet për deputetin socialist Ervin Bushati, 16 muaj pasi e kallëzoi penalisht.

Gjithashtu, PD-ja kërkon që të dijë nga prokuroria e Tiranës nëse pas datës 19 dhjetor kur u krijua SPAK, a ka shpallur moskompetencën për t’i kaluar dosjen Prokurorisë së Posaçme, pasi Bushati është deputet.

PD e akuzon Bushatin për fshehje të pasurisë, ekzaktësisht për dy trualle dhe një sipërfaqe ndërtimi në Tiranë, dy pasuri të fituara nga ALUIZNI në Qerret të Kavajës, njëra sipërfaqe ndërtimi dhe tjetra truall, një pasuri truall në Sarandë dhe po ashtu edhe një garazh në qytetin bregdetar.

PD KËRKESË ZYRTARE PROKURORISË: NA INFORMO PËR FAZËN KU NDODHEN HETIMET NDAJ DEPUTETIT SOCIALIST ERVIN BUSHATI DHE NËSE DOSJA I KA KALUAR SPAK

Më 2 Tetor 2018, Partia Demokratike depozitoi në Prokurorinë pranë Gjykatës së Shkallës së Parë Tiranë një kallëzim penal për fshehje dhe mosdeklarim të pasurisë ndaj deputetit socialist Ervin Bushati. Në kallëzim penal PD sqaronte se janë evidentuar prova nga ZRPP se deputeti Ervin Bushati, ka fshehur dhe nuk ka deklaruar pronësinë për 7 pasuri të paluajtshme. Konkretisht, rezultonte se ai nuk kishte deklaruar pasuritë e paluajtshme si më poshtë: 1. Në Tiranë, 938 m2 truall, e regjistruar në vitin 2017; 2. Në Tiranë, 600 m2 truall, me sipërfaqe ndërtimi 327 m2; 3. Në Tiranë, 938 m2 truall, e regjistruar në vitin 2014; 4. Në Qerret, Kavajë, një pasuri me sipërfaqe 76 m2, ndërtesë, e fituar me kontratë shitje nga shteti (ALUIZNI); 5. Në Qerret, Kavajë, një pasuri me sipërfaqe 376 m2 truall, e fituar me kontratë shitje nga shteti (ALUIZNI); 6. Në Sarandë, një pasuri me sipërfaqe 660 m2 truall; dhe 7. Në Sarandë, 1 garazh, me sipërfaqe 42 m2.

LEXO EDHE:  Quiz politik/ Basha iu lut gjashtë muaj pastaj ai ja dha. Kush është deputeti më gomar?

LEXO EDHE:  Çfarë thanë qytetarët ditën e sotme të çadra e opozitës

Në Janar 2019, Gjykata e Shkallës së Parë Tiranë, vendosi shfuqizimin e vendimit të Prokurorisë së Rrethit Gjyqësor Tiranë datë 10.10.2018 “Për mosfillimin e procedimit penal që i përket materialit kallëzues Nr. 13118 të vitit 2018”, duke detyruar Prokurorinë që të regjistronte procedim penal për rastin në fjalë. Sot, në më shumë se 1 vit nga momenti ku gjykata konstatoi se kallëzimi ishte bazë e mjaftueshme për regjistrimin e procedimit penal ndaj shtetasit Ervin Bushati, organi i prokurorisë nuk ka konkluduar për përfundimin e hetimeve mbi këtë çështje dhe nuk ka dalë në një vendimmarrje mbi këtë dosje hetimore.

Për këtë arsye, PD ka kërkuar informacion mbi fazën ku ndodhen hetimet dhe nëse Prokuroria pranë Gjykatës së Shkallës së Parë Tiranë, pas datës 19 Dhjetor 2019, ka shpallur apo jo moskompetencën dhe a i janë kaluar aktet Prokurorisë së Posaçme SPAK, duke qenë se shtetasi Ervin Bushati, është deputet i Kuvendit të Shqipërisë dhe është subjekt hetimi nga SPAK.

LEXO TE PLOTE

Politikë

Ndarja e parakohshme e kryebashkiakut të Rrogozhinës/ Balla i jep lamtumirën

Publikuar

-

Nga

taulant balla

Ditën e sotme u nda nga jeta në mënyrë të papritur, për shkak të një infarkti, kryebashkiaku i Rrogozhinës Haxhi Memolla.

Numri dy i Partisë Socialiste Taulant Balla, ka shprehur ngushëllimet për familjarët e Memollës, ndërsa e cilëson të parin e bashkisë së Rrogozhinës një përfaqësues të denjë.

“Sot u nda papritmas nga jeta Kryetari i Bashkisë Rrogozhinë Haxhi Memolla. Si mik dhe shok i vjetër në familjen tonë socialiste e kam pak të vështirë të lidh apo të përmbledh në disa fjalë ngushëllimin për familjen, për miqtë dhe qytetarët e Rrogozhinës.

Familja e madhe dhe e nderuar Memolla humbi sot një njeri të dashur, miqtë humbën Haxhiun e gjendur dhe zemërmirë, socialistëve të Rrogozhinës ju largua para kohe një përfaqësues i denjë, Rrogozhinës iu ndërpre në mes mandati i një Kryetari i cili çdo ditë i shërbeu me përpikmëri banorëve të nderuar të kësaj Bashkie”, shkruan Balla në rrjetet sociale./ CNA.al

Socialistët në zi/ Ndahet nga jeta kryebashkiaku i Rrogozhinës

LEXO TE PLOTE

Politikë

Marku për tubimin e Metës/ “Shqipëria mund të shkojë në luftë civile për më pak se 24 orë”

Publikuar

-

Nga

Pedagogu Mark Marku ka dalë në krah të presidentit Ilir Meta dhe tubimin e thirrur për në datën 2 mars e ka cilësuar të ligjshëm.

Ai pretendon se çdo President ka të drejtë të takohet dhe konsultohet me qytetarët, ndërsa akuzat i drejton nga kryeministri Edi Rama.

Sipas tij,  Rama po tenton të bëjë goditjen e fundit, atë të kapjes së Gjykatës Kushtetuese dhe të kufizimit të kompetencave të Presidentit.

”Pavarësisht termit, grusht shteti apo diçka tjetër shqetësimi që ngre Presidenti është real, pasi jemi para disa përpjekjeve të mazhorancës për të zaptuar të gjitha pushtetet. Mund ta shohim si të duam por jemi në një situatë ku demokracia e vendit, stabiliteti, shteti ligjor është praktikisht dëmtuar rëndë. Jemi në fazën e fundit ku Rama po i jep goditjen e fundit për të zaptuar Gjykatën Kushtetuese për të kufizuar kompetencat e Presidentit. Zakonisht nuk ndodh edhe nëse ndodh në raste shumë të rralla, por nuk është e paligjshme.

Ky është problemi se mbingatërrojnë gjërat, por në thelb nuk është i paligjshëm që Meta të thërrasë në takim apo tubim dhe të konsultohet me qytetarët. Mendoj që gjendja është emergjente. Po i jepet goditje demokracisë dhe Presidenti është betuar për të mbrojtur Kushtetutën. Edhe për ne që s’jemi juristë cënohet Kushtetuta. Kalohet një ligj në Parlament që nuk është në përputhje me Kushtetutën. Nuk ka instrumente të tjera, Parlamenti nuk ekziston, s’është i paplotë e para e punës. Edhe parlamentet në kohë lufte kanë masën e plotë”, tha pedagogu në emisionin “Kjo Javë”.

LEXO EDHE:  Basha flet pas takimit me partitë aleate/ Nuk do lejojmë shkeljen e Kushtetutës

LEXO EDHE:  Paratë ruse/ Top Channel hedh dritë mbi lobimet e Bashës

Marku deklaroi më pas se Shqipëria është një vend delikat, ku nuk është vështirë të shkohet në luftë civile brenda më pak 24 orëve prej tensioneve dhe qeverisjes abusive.

“Ka një ndryshim në të folurën e Metës, por nuk ka ndryshim në reflektimin e qeverisë. Po kanë ndikuar ndërkombëtarët, por dikush që nuk përfaqëson një institucion apo forcë politike, një njeri që është në funksionin e Presidentit ka kaluar nga emocionaliteti në racionalitet. U fol fillimisht se do të shpërndante Parlamentin, dhe pse ky Parlament nuk ekziston. Nëse ti akuzon një njeri për arrgoancë, ti s’mund të jesh arrogant. A mundet Presidenti të shpërndajë parlamentin, kur shumica nuk është më shumicë. Është një pakt, që të shpërndahet Parlamenti duhet që pjesa tjetër të ketë zgjedhur kryeministrin, pra është një paradoks. Ne jemi vend delikat, themi Rama është i fortë, kështu kanë thënë dhe të tjerë para tij, por Shqipëria ka shkuar brenda 24 orëve në luftë civile, 200- 300 veta kanë shkuar dhe kanë djegur kryeministrinë dhe kanë përzënë kryeministrin”, nënvizoi pedagogu./ CNA.al

LEXO TE PLOTE