E fundit!

21:42 Kronika

Konflikt mes vëllezërve në Kavajë/ Ndërron jetë 74-vjeçari, u godit me thikë

Një ngjarje tragjike ka ndodhur mbrëmjen e sotme në fshati...

Shahini justifikon dështimin/ Ia delegon përgjegjësinë opozitës

18 Korrik 2019, 08:40, Aktualitet CNA

Ministrja e Arsimit, Besa Shahini është thirrur sot në një interpelancë urgjente nga deputeti i Bindjes Demokratike, Andi Përmeti, në lidhje me vendimin për të rritur notën mesatare për pranimet në universitet.

Por, për të justifikuar dështimin e saj në krye të Ministrisë së Arsimit, Besa Shahini ia ka deleguar përgjegjësinë Partisë Demokratike.

Shahini tha se dy problematikat kryesore të arsimit kanë qënë cilësia e kurrikulave dhe mësuesit.

Në lidhje me të parë, Shahini tha se kurrikulat janë përmirësuar, por problem sipas saj është se në sistem ka ende mësues që nuk janë të nivelit të duhur.

?Kurrikulat janë përmirësuar, por problem është cilësia e mësuesve. Kjo është edhe thembra e Akilit. Kemi një numër mësuesish që nuk janë të nivelit që duhet të jetë një mësues, sepse PD ka shkatërruar tërësisht figurën e mësuesit. Nëpërmjet punësimit partiak dhe ka pasur universitete si Kristali apo Vitrina, që kanë nxjerrë mësues dhe sot janë në sistem?-tha ndër të tjera Shahini.

Sa i takon vendimit për të rritur notën mesatare për pranimet në universitet, Shahini tha se nxënësit më të dobët nuk mund të jenë mësues.

Po ashtu ajo tha se këtë vit nota mesatare është cuar në 7.5, por sipas saj do të rritet sërish.

Shahini theksoi se nota mesatare për pranimet në lëndët e mësuesisë do të shkojë në 8.

Po ashtu ajo tha se nota mesatare është bërë pas një analize të bërë në arsimin e mesëm dhe në arsimin e lartë në vend.

“Ne besojmë se ata që janë të dobët në shkollën e Mesme nuk kanë si të përfitojnë nga studimet Bachelor. kur vjen dikush i dobët në Universitet harxhon kohë dhe kosto për familjet dhe jo pak herë përfundojnë duke marrë një diplomë që nuk i shërben për asgjë. në kohën e PD mbi 60 % e nxënësve kanë qenë analfabetë funksional. Në vitin 2015 pas një viti e gjysmë menaxhim nga PS kjo shifër ra ndjeshëm. Ne e pamë të arsyeshme që t’i orientojmë ata më të mirët drejt formimit akademik. Qëllimi për përcaktimin e notës mesatare për pranimin në ciklin e parë dhe të dytë të studimeve është mbështetje e strategjive në funksion të përmirësimit të shërbimit të arsimit të lartë dhe mbështetja e arsimit profesional. Duhet t’i jepet një fuqizim edhe arsimit profesional për të kontribuar në tregun e punës. Ligji i arsimit të Lartë të vitit 2015 i jep këshillit të ministrave tagrin për përcaktimin e një note mesatare. Do e çojmë në 8 notën mesatare për degën e Mësuesisë. Universiteti i Mjekësisë ka vendosur të shkojë përtej vendimit tonë duke vendosur edhe një notë akoma më të lartë mesatare. Kam biseduar me shumë maturantë. I kam njoftuar për vendimin që do merret. Kemi pasur edhe kritika. Miratimi ka qenë nga ata pedagogë që kërkojnë një selektim, ndërsa kritikë kanë qenë ata që mendojnë se do zvogëlohet numri i nxënësve për lëndën e tyre”, tha Shahini./ CNA.al