Connect with Us

Milionerë, gjobaxhinj dhe vegla të politikës/ Pazaret që ngritën SPAK-un

Aktualitet

Milionerë, gjobaxhinj dhe vegla të politikës/ Pazaret që ngritën SPAK-un

Publikuar

-

Dje, Këshilli i Lartë i Prokurorisë zbardhi emrat e prokurorëve të SPAK-ut.

Ajo që bie në sy është se pjesë e kësaj liste janë prokurorë të dështuar apo edhe milionerë që nuk dihet se në çfarë rrethanash e kanë bërë pasurinë.

Por, kur vendos partia për të kaluar Vettingun ata e kalojnë, ndryshe shkarkohen.

E njëjta gjë duket se ka ndodhur dhe më përzgjedhjen e prokurorëve për në SPAK.

KLP nuk është në nivelin profesional për të vlerësuar kandidatët për SPAK, pasi përbërjen e ka të dyshimtë.

Por, edhe në rrethin e drejtësisë dihet se KLP, është vegël e politikës, e Rilindjes, prandaj në këtë këshill janë zgjedhur njerëz me të kaluar të dyshimtë jo profesionalë. Kështu politika i shantazhon më lehtë.

Në këto rrethana duket se për pjesën më të madhe të prokurorëve për në SPAK, nuk ka vendosur KLP, por Rilindja.

Prokurorë të dobët, të paaftë dhe shantazhues nuk mund t’i sjellin asgjë te re drejtësisë.

SPAK-u me këtë përbërje që është njoftuar dje, rezulton institucioni i më dobët i prodhuar nga reforma në drejtësi.

Thënë më qartë është i dështuar pa nisur ende dhe këtë e dinë mirë “kunati i Rilindjes ” me shokë në KLP, ndaj është bërë një përzgjedhje e tillë.

Sigurisht jo të gjithë të përzgjedhurit e djeshëm janë të përlyer, por SPAK-u, nuk funksionon, me 1, 2, 3 apo 4 prokurorë.

Në mesin e të përzgjedhurve ka prokurorë që i kanë bërë “fresk” korrupsionit, prokurorë që kanë shantazhuar biznese, apo prokurorë që janë bërë palë me politikën.

Ata e dinë shumë mirë se cilët apo cilat janë,  njësoj siç e di i gjithë opinioni publik, në Tiranë dhe jo vetëm.

CNA.al i ka kaluar në filtër 15 të përzgjedhurit për SPAK, duke iu referuar anës tyre profesionale dhe asaj të pasurisë.

SPAK me përbërje të dyshimtë

Altin Dumani, është kreu i komanduar i Prokurorisë së Apelit për Krime të Rënda, i cili ende nuk ka kaluar në Vetting.

Dumani deklarohet si prokuror, por nëse i shikojmë pasurinë ngjan me një agjenci imobiliare e cila sapo ka nisur biznesin.

Emri i tij është i lidhur me ngjarjen e rëndë të Gërdecit, ku gjatë gjykimit të 29 të pandehurve të Gërdecit kërkoi 3 dënimet  përjetshme për tre nga të pandehurit kryesorë, ndryshe s’do ta kishte njohur askush si prokuror.

                                                                                          Altin Dumani

Elisabeta Imeraj, është një tjetër e përzgjedhur për SPAK-un me pasuri te dyshimte dhe mbeshtetje te dyshimte nga dhe pertej politikes. .

Imeraj dyshohet se u favorizua, që në kohën kur i hoqën çështjen e  Shullazit dhe e dërguan në krye të Prokurorisë së Tiranës. Nuk ishte rastësi largimi i Imeraj, gjë që u përcoll me sherr tek Krimet e Rënda.

Por edhe në krye të Prokurorisë së Tiranës, Imeraj nuk është se është shquar për ndonjë arritje, pavarësisht se duke pasur pëlqimin edhe të opozitës edhe të mazhorancës, është piketuar për të udhëhequr SPAK-un.

Nga Elizabeta Imeraj, e cila nuk e ka kaluar ende Vettingun,  pritej që të shkundeshin dosjet e krimit dhe korrupsionit dhe jo të përgjumej në krye të Prokurorisë së Tiranës, nderkohe deshtimi i saj eshte i dukshem.  Përzgjedhja për në SPAK, e ish mësueses së anglishtes që sipas të dhënave pasurore, rezulton e mbuluar me dhurata “Piere Cardin”  dhe pasuri të patundshme, nuk ishte e papritur.

                                                                                          Elisabeta Imeraj

Prokurori i Prokurorisë së Përgjithshme, Arben Kraja, është i njohur si prokurori që hetoi dosjen hetimore për abuzimet me fondet e rrugës Durrës-Kukës, ku u hetua edhe kryetari i Partisë Demokratike, Lulzim Basha.

Por, që në fakt Basha kurrë s’dha llogari. Kraja mundi ta kalojë Vettingun lehtë, meghithëse ka pasur dhe denoncime ndaj tij.

Ndërsa sipas të dhënave të pasurisë rezulton milionerë.

Të dhënat e analizuara nga BIRN tregojnë se prokurori Arben Kraja zotëronte pasuri me vlerë 3 milionë lekë në vitin 2003 – kur deklaroi për herë të parë pasurinë. Ndërsa në fund të vitit 2017, pasuria familjare e prokurorit Kraja ishte 27.4 milionë lekë. Kraja ka regjistruar një rritje 9.2 herë të pasuisë bruto familjares nga viti 2003 deri në vitin 2017 – me një rritje mesatare vjetore prej 1.74 milionë lekë.

                                                                                                       Arben Kraja

Prokurorja Doloreza Musabelliu, duket se u ka shpëtuar ndikimeve politike dhe ka tentuar të zbatojë ligjin.

Në vitin 2007 kur gjykohej Emiljano Shullazi pranoi hetimin e cështjes megjithse shumë kolegë të saj refuzuan dhe kërkoi 18 vite burgim ne atë rast.

Kujtojmë se Musabelliu,e cila nuk ka kaluar ende në Vetting, është prokurorja që ka pasur në duar  procedimin penal me nr. 188 të vitit 2016 ndaj të hetuarit Guido Guidi, i dyshuar për trafik narkotikësh, mbetur në tentativë.

Bëhet fjalë për një avion të vogël tip “Piper”, i cili pa leje fluturimi nga aviacioni civil, u ul në Ishëm të Durrësit. Për avionin në fjalë u dyshua se shërbente për trafikun e drogës.

Gjithashtu Musabelliu që dy vite më parë, urdhëroi lëshimin e vendimit të sekuestros preventive ndaj pasurive të dyshimta të Nikolin Janinës, një biznesmen ky që kërkohej nga Spanja për përfshirje në trafik droge.

                                                                                         Doloreza Musabelliu

Prokurori Klodjan Braho, ka qenë i pari që aplikuar për në SPAK.

Dihej që ky do të përzgjidhej jo për ndonjë aftësi profesionale , por se kështu i intreson Rilindjes.

Braho po heton ish kryeprokurorin Adriatik Llalla, ndërsa më herët  ka hetuar edhe ish-kryebashkiakun e Vlorës, Shpëtim Gjika, i cili akuzohej për falsifikim të dokumenteve dhe ndërtimit të paligjshëm.

Sa i përket pasurisë , prokurori Braho, sipas të dhënave të publikuara nga Open Spending Albania, rezulton se në nisje të karrierës së tij në Berat, ka qenë i varfër dhe më vonë, në vitin 2010 ka nisur ta marrë veten ekonomikisht.

Ka shtuar të ardhurat dhe është bërë me apartament në Tiranë.

                                                                                             Klodjan Braho

Prokurorja Enkeleda Millonai që ndryshe njihet dhe si prokurorja që i bën “fresk” korrupsionit do të ftoj tërësisht SPAK-un, sa s s’o të gjendet “doktor” që ta marrë në patronazh.

Emri i prokurores Millonai e cila kaloi në mënyrë të dyshimtë Vettingun,  nuk është se është lakuar për hetimin e ndonjë çështjeje të bujshme, megjithëse në Elbasan ku edhe ajo punon, nuk kanë munguar “dosjet e nxehta”.

Publikisht emri i Millonait është lakuar nga emisioni “Stop”, pasi ka mbyllur hetimet për një gjyqtare.

Dafina Peci, banore e fshatit Gjinar në Elbasan, ka denoncuar më herët në emisionin “Stop”, gjyqtaren e Elbasanit, Pajtime Fetahu.

Sipas saj, gjyqtarja ka falsifikuar një vendim, duke rritur në mënyrë fiktive sipërfaqjen e tokës së saj në Gjinar.Për të njëjtën cështje, Pajtime Fetahu ka dhënë dy vendime identike, por me sipërfaqje toke të ndryshme.

Çështja ka kaluar në Prokurori, por prokurorja Millonai e ka mbyllur çështjen e gjyqtares Fetahu, pa i hyrë gjemb në kokë.

                                                                                                   Enkeleda Millonai

Prokurorja Manjola Kajana, e cila e ka kaluar Vettingun së fundmi, nuk ka pasur në dorë ndonjë dosje të bujshme, që mund të nxirrnin ën pah aftësitë e saj profesionale.

Nuk dihet se ku i kanë parë “Rilindasit e KLP”, aftësitë profesionale të Kajanës.

Kajana tek Krimet e Rënda ka kryer hetimet për shpërthimin e ndodhur me lëndë plasëse në Farmacinë e Bashkim Tahirit, babait të ish- Ministrit të Brendshëm, Saimir Tahiri. Emri i saj ka dalë në media, në rastin  “Nikita”, e cila u akuzua se kishte kryer disa grabitje me armë, që në fakt më vonë rezultoi të kishte qenë lodër.

                                                                                        Manjola Kajana

Edhe prokurori Edvin Kondili e ka kaluar Vettingun. Kondili ishte një nga prokurorët  rebelë që refuzuan shortin për dosjen Shullazi dhe kërkesën e kryeprokurores së komanduar të Krimeve të Rënda, Donika Prela.

Kondili është prokurori që ka bërë veprimet e para për sekuestrimin e 613 kg kokainë në Portin e Durrësit.

Kondili ka  pasur një sërë çështjesh të trafikimit të kanabisit, por edhe dosje të tilla si “Lazarati”, por edhe dosjen e Alket Hatijas. Edvin Kondili ka hetuar edhe grupin e Admir Tafilit. Po ashtu, Edvin Kondili ka pasur në duart edhe dosjen e rrëmbimit dhe zhdukjes së Remzi Hoxhës.

                                                                                                    Edvin Kondili

Prokurori Ened Nakuçi, edhe pse e kaloi Vettingun, ndaj tij janë kërkuar hetime disiplinore, por ai garon per në SPAK.

Kujtojmë se në shtator të vitit 2018, tek  Krimet e Rënda shpërtheu sherri mes prokurorëve dhe shefes së tyre Donika Prela, pasi prokurori i dytë i çështjes “Shullazi” Ened Nakuçi, u tha se kishte marrë një leje gjashtëmujore për arsye shëndetësore.

Në media u raportua se administrata e Krimeve të Rënda ishte munduar të lidhet në telefon me prokurorin Nakuçi , por ai rezultonte me telefona të fikur.

Ky veprim i tij u kushtoi internimin tre prokurorëve , të cilët bashkë me shtatë kolegë të tjerë u vunë edhe nën hetim disiplinor.

                                                                                           Ened Nakuçi

Prokurorja Elida Kaçkini, nuk ka kaluar ende në Vetting, por është përzgjedhur për në SPAK.

Nuk njihet për hetimin e ndonjë çështjeje të bujshme, por thjesht hetime të rëndomta, aq sa të krijohet përshtypja se vetëm kolegët e njohin.

Por, mbase të tillë prokurorë duhen në SPAK, duket niveli i atyre që i kanë zgjedhur.

Prokurorja Kaçkini, ka hetuar më herët katër aktivistët e shoqërisë civile, të cilët më 22 shkurt 2016 protestuan për paligjshmërinë dhe dhunimin e dhjetra ligjeve nga Bashkia Tiranë për ndërtimin e një këndi lojërash në park.

Pas disa muajsh hetimesh, prokurorja i ka kërkuar gjykatës dënimin e aktivistëve.

Bëhet fjalë për aktivistët Mimoza Boçari, Ardit Mekshiqi, Orges Zani dhe Altin Kuko.

Në aspektin profesional, vetëm kjo çështje mund të konsiderohet e ndjeshme që ka kaluar në duart e prokurores Kaçkini.

Elida Kaçkini
                                                                                                          Elida Kaçkini

Prokurori Ndini Tavani, nuk ka kaluar ende në Vetting.

Prokurori Tavani, më herët është marrë me hetimin e veprimtarisë së punës së Bankës ku ishte aksioner Artan Santo si edhe transaksionet që janë bërë nga kjo bankë.

                                                                                                 Ndini Tavani

Që e meriton të jetë pjesë e SPAK-ut, si nga profesionale dhe nga ana e pasurisë është prokurori Behar Dibra, i cili tashmë e ka kaluar Vettingun.

Behar Dibra është ndër prokurorët që ka hetuar kryesisht vrasje. Gjithashtu, Dibra ka qenë pjesë e disa dosjeve të vrasjeve për shkak të marrëdhënieve familjare.

Ndër të tjera Dibra ka pasur në dorë çështjen e vrasësit me pagesë Julian Sinanaj.

                                                                                                          Behar Dibra

Prokurorja Anita Jella, e cila në rrethin e prokurorëve njihet edhe si mikesha e Arta  Markut, u lakua në fillim të vitit 2018 pas për përlasjes me ish-prokurorin Dritan Gina.

Prokuroria e Durrësit është grabitur, ndërsa në krye të saj qëndronte Anita Jella.

Grabitësit  kishin hyrë brenda në Prokurori, madje deri në zyrën e serverit për të vijuar më tej me plaçkitjen e zyrës së prokurorit Afrim Shehu.

Autorët morën disa dosje korrupsioni, që dyshohet se lidhen me tjetërsimin e paligjshëm të pronave në vijën bregdetare, kryesisht në zonën e Gjirit të Lalzit, në zyrën e prokurorit të Task Forcës, Afrim Shehu.

Prokuroria reagoi me një informacion të thatë për mediat, ndërkohë që me të dhënat apo materialet e grabitura, nga gazetarët e kronikës u lëshua alarmi, se ishte krijuar një tjetër prokurori paralele.

Nga raporti vjetor 2018 i përpiluar nga drejtuesja e Prokurorisë së Durrësit, Anita Jella, duket se institucioni ka qenë kthyer në një han pa porta. Me pak fjalë kanë munguar masat e sigurisë.

Zonja Jella nuk ruan dot shtëpinë e saj, jo më do të bëjë drejtësi në SPAK.

                                                                                                         Anita Jella

Pjesë e SPAK -ut është edhe prokurori Besnik Muçi, i cili ka ngecur në shkallën e dytë të Vettingut.

Prokurori Besnik Muçi vitin që shkoi kaloi Vettingun, dhe pse u konstatuan një sërë problemesh.

Muçi u vlerësua me “nivel minimal” kualifikimi në kriterin profesional, ndërsa iu gjetën të meta proceduriale në dosjet që kishte hetuar.

Gjithashtu KPK ka konstatuar se ka kontradikta në lidhje me një shtesë në shtëpinë e banimit në Tiranë, për kohën kur është kryer kjo ndërhyrje.

Po në kundërshtim me ligjin është konstatuar se ka përfituar një pronë në Çërravë dhe është deklaruar gabimisht ndër vite.

                                                                                                   Besnik Muçi

Edhe prokurori Anton Martini, i cili është përzgjedhur për në SPAK, nuk ka kaluar ende në Vetting.

Me 7 qershor 2018, Kryeprokurorja e Përkohshme, Arta Marku e riktheu në Tiranë tek Krimet e Rënda.

Ky i fundit në atë kohë ishte drejtues i Prokurorisë së Shkodrës.

Prokurori Martini ka pasur në dorë çështjen e trukimit të ndeshjeve në sport. Një skandal që e mori mjaft seriozisht, por më pas ai u largua nga detyra./CNA.al

Nga Krimet e Rënda në SPAK/ Altin Dumani nis biznesin e imobiliar?

Prokurorja e “avionit me drogë”/ Gruaja e vetme në garën e SPAK-ut

Prokurori i Llallës në SPAK/ Si u pasurua Klodjan Braho në 9 vite?

Nga “Nikita” tek SPAK-u/ Në filtër prokurorja Manjola Kajana

Nga dosja e tritolit tek rebelimi ndaj Donika Prelës / Zbardhet pasuria e “prokurorit të kokainës”

Bashkëshortja e gjyqtarit të Administratives/ E piketuar nga DASH drejt SPAK-ut

Prokurori i rrënuar i Krimeve të Rënda/ Refuzoi “peshkun” e vrasësit me pagesë

Grabitja në Prokurorinë e Durrësit/ Anita Jella me “mision security”

Pas grabitjes së Prokurorisë/ Mikesha e Arta Markut rehabilitohet në SPAK?

“Aftësi minimale profesionale”/ Prokurori Besnik Muçi drejt shkarkimit?

Prokuror i Krimeve të Rënda apo biznesmen?/ Besnik Muçi nuk e di, sa pasuri ka

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  U shkarkua nga KPA/ Besnik Muçi shpjegon shkaqet

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Prokuroria e Elbasanit me drejtues të ri/ Ja, kujt i beson Arta Markut

 

LEXO TE PLOTE
Lajme të Rekomanduara: