web counter
LEXO PA REKLAMA!

SHKARKO APP

App Store
Google Play

E fundit!

x

Bllokimi i turistëve/ Flet Haki Çako: Ja çfarë po ndodh në kanionin e Holtës

14 Korrik 2019, 16:42, Aktualitet CNA

Një grup turistësh shqiptarë mbetën të bllokuar pasditen e sotme në kanionin e Holtës.

Shkak për bllokimin e tyre u bë rritja e befasishme e nivelit të ujit, sipasojë e shirave të rënë gjatë natës.

Në ndihmë të tyre në vendngjarje kanë shkuar edhe shërbimet e emergjencës si dhe edhe efektivë të RENEA-s të cilët janë të specializuar për ndërhyrjet në ujë.

Ndërkohë që është shpëtuar grupi i parë, mes të cilëve katër fëmijë, tre të tjerë mbeten ende të humbur. Bëhet fjalë për një vajzë dhe një djalë mbi 20-vjeç si dhe një burrë rreth të 50-tave.

Lidhur mbi këtë ngjarje ka folur për mediat edhe drejtori i Emergjencave Civile Haki Çako. Në një lidhje telefonike për Report Tv, ai u shpreh se vijojnë ende kërkimet, megjithëse ka vështirësi për shkak të prurjeve të ujit dhe terrenit të thyer.

“Është një situatë në kanionet e Holtës ku vizitohet shpesh në fundjavë. Për shkak të shirave ka prurje të shumta, janë kushtëzuar disa banorë, kanë ndërhyrë forcat duke shpëtuar 4 prej tyre, mbeten për t’u kontaktuar një djalë, një vajzë dhe një burrë rreth të 50-ave .

Po presim informacion nga momenti në moment, jemi në gatishmëri të plotë, ka shkuar edhe RENEA që ka grup të specializuar. Ka vështirësi për shkak të rritjes së prurjes së ujërave dhe terrenit të thyer, por jemi në ndjekje të operacionit, por nuk ka fëmijë që kanë nevojë për ndihmë” tha ai./CNA.al

 





Lajmet e fundit nga