web counter
LEXO PA REKLAMA!

SHKARKO APP

App Store
Google Play

Integrimi në BE/ Soreca: Presidenca rumune dha rekomandime pozitive për Shqipërinë

12 Korrik 2019, 08:55, Aktualitet CNA

Ceremonia e mbylljes së presidencën rumune që u mbajt në Këshillin e Bashkimit Europian bëri bashkë ambasadorin e BE në Tiranë, Luigi Soreca, dhe ambasadorin rumun në vendin tonë Mircea Perpelea.

Soreca në fjalën e tij tha se falënderon Rumaninë, edhe për faktin se shteti rumun, në kohën që ka kryesuar Këshillin e BE ka dhënë rekomandime pozitive për Shqipërinë.

?Ne po mirëpresim presidencën e radhës. Samiti i 9 majit ka qenë shumë i rëndësishëm për të gjithë punën tonë dhe kjo ishte ndër ngjarjet kryesore të presidencës rumune. Pjesë e axhendës ka qenë edhe zgjerimi i mëtejshëm i hapësirës së BE, duke plotësuar kushtet dhe standardet.

Ashtu siç e kanë thënë krerë të lartë të BE, presidenca rumune ka bërë shumë, i jap urimet e mia presidencës rumune për punën që ka bërë gjatë gjithë kësaj periudhe. Patjetër që është përballur me një moment kompleks. BE po vendos liderët e rinj. Po bëhet një reformim i ri i pozicioneve në Bashkimin Europian. Pozicinet e reja të Komisionit Europian e marrin detyrën në fillim të tetorit.  Ekzekutivi me siguri po merr detyrat e reja. Është periudhë e ngjeshur për BE. Urime për punën që keni bërë gjatë gjithë kësaj kohe nën presidencën rumune?, tha Soreca./CNA.al





Lajmet e fundit nga