E fundit!

11:46 Aktualitet

Balla, pyetje publike protestuesve

Kreu i grupit parlamentar të PS, Taulant Balla iu është dr...

Sot Shqipëria mban zgjedhjet vendore/ Çfarë pritet të ndodhë

30 Qershor 2019, 04:30, Aktualitet CNA

Sot në 61 bashki të vendit zhvillohen zgjedhjet për pushtetin vendor.

Zgjedhjet vijnë në një kohë, që situata politike mbetet mjaft e tensionuar, ndërsa opozita jashtë parlamentit i ka bojkotuar ato.

Nga ana tjetër qëndron edhe kreu i shtetit, Ilir Meta, i cili ka çdekretuar 30 qershorin dhe ka dekretuar një tjetër datë për mbajtjen e zgjedhjeve vendore, në 13 tetor.

Por, mazhoranca është e vendosur për të mos u tërhequr dhe sot do të zhvillohen zgjedhje në 61 bashkitë e vendit.

Partneri kryesor strategjik i Shëipërisë, Shtetet e Bashkuara të Amerikës janë shprehur pro 30 qershorit, ndërsa kanë paralajmëruar opozitën të shmangë aktet e dhunës, në të kundërt do të cilësohen si organizata të dhunshme.

Një ditë më parë, një diplomat i lartë amerikan i tha Zërit të Amerikës se pritshmëria e Uashingtonit është që zgjedhjet të zhvillohen më 30 qershor dhe më pas mosmarrëveshjet të shqyrtohen nga Gjykata Kushtetuese. Zv/ndihmës Sekretari i Shtetit për Evropën Mattheë Palmer bën thirrje për shmangien e dhunës më 30 qershor, duke shtuar se udhëheqësit e partive do të mbahen përgjegjës për dhunën e përkrahësve të tyre.

Në të gjtihë vendin pritet të hapen 5417 Qendra votimi, ndërkohë që, dje janë shpërndarë materialet zgjedhore në qendrat e votimit nga jugu në veri me përjashtim të disa zonave në bashkinë e Shkodrës, pasi ambientet në administrimin e pushtetit lokal që drejtohet nga Voltana Ademi janë kyçur. Sipas KQZ-së deri në orën 19:00 ishin 50% e qendrave të mbyllura.

Por, çfarë prtitet të ndodhë?

Që prej 16 shkurtit ka zhvilluar nëntë protesta kombëtare, ku në shumicën e tyre ka pasur incidente dhe akte dhune, në protestën e fundit, atë të 21 qershorit, pati një zbutje të tonëve, duket se edhe ditën e sotme, nuk kishte dhunë. Pra, duket se thirrjet e ndërkombëtarëve, kanë ?zbutur? qëndrimin e opozitës.

Kreu i PD-së, Lulzim Basha duket më i tërhequr, dhe pritet që të shfrytëzojë pjesëmarrjen në votime për të thënë që ?fitoi? kundër Rilindjes, dhe do të kërkojë zgjedhje të parakoshme parlamentarre. Edhe presidenti Meta, një ditë më parë bëri thirrje kundër dhunës.

Por, gjithësesi sot pritet që të ketë incidente në bashkitë që drejtohen nga opozita. Kujtojmë këtu se incidente në KZAZ ka pasur gjatë këtyre ditëve në Dibër, në Shkodër, Kukës, etj.

Nga ana tjetër, vetëm dy ditë më parë CNA.al raportoi se mercenarë të paguar pritet të sillen nga Kosova dhe Maqedonia e Veriut, për të prishur zgjedhjet në Shqipëri. Një zgjidhje kjo e opozitës, për t?i shpëtuar dënimit nga Kodi Penal./ CNA.al

Ekskluzive-Njerëz nga Kosova dhe Maqedonia për të prishur zgjedhjet në Shqipëri