web counter
LEXO PA REKLAMA!

SHKARKO APP

App Store
Google Play

E fundit!

x

"Fitoi sovraniteti i popullit"/ Rama: Sot është ditë historike

30 Qershor 2019, 07:29, Aktualitet CNA

Kryeministri Edi Rama ka shkuar për të votuar në qendrën e tij të votimit në Surrel ndërsa ishte i shoqëruar nga bashkëshortja, Linda Rama.

Ajo që ra në sy ishte fakti se Kryeministri ishte veshur me çitjane ndërsa bashkëshortja e tij kishte një kapele sportive të zezë.

Pasi votoi, Rama tha për mediat se sot është një ditë historike pasi partitë politike dhe politikanët do të kuptojnë se nuk mund të dilet kundër sovranitetit të popullit.

?Sot është shumë herë më e rëndësishme Shqipëria dhe kuptimi historik që kjo ditë do tu jap të gjithëve sesa vota për njërin apo për tjetrin.

Besoj kjo ditë konfirmon njëherë e përgjithmonë se popullin nuk luhet, se sovraniteti nuk është fjalë boshe dhe kush tenton t?ja marrë popullit sovranitetin nuk ka asnjë fund tjetër veçse fundit me dështim dhe më turp.

Sot është e rëndësishme që cdo qytetar në këtë vend të votojë ose të mos votojë por të respektojë të drejtën e kujtdo për të votuar ose mos votuar, kjo është gjëja më e rëndësishme sot, historia e solli që këto zgjedhje shumë më tepër se për kryetarët e rinj janë për Shqipërinë që duam për fëmijët tanë.

Jam i bindur se sot në Shqipëri po ndodh diçka historike dhe është një mësim që nuk do të harrohet kurrë nga asnjë parti politike. Kurrë më interesat partiake nuk mund të jenë mbi interesin kombëter.? tha Rama për mediat./ CNA.al





Lajmet e fundit nga