E fundit!

09:56 Politikë

Konferenca dy ditore në Poloni për Rindërtimin e Ukrainës/ Rama mes liderëve pjesëmarrës

Kryeministri Rama do të marrë pjesë në Konferencën për Rin...

Investime fiktive në Durrës/ Sakollari: Ata që kanë vjedhur do të paguajnë

25 Qershor 2019, 08:10, Aktualitet CNA

Kandidatja e BINDJES DEMOKRATIKE për bashkinë e Durrësit, Zj. Valbona Sakollari ka folur ?pa doreza? përsa i përket investimeve të mëdha që po bëhen në Durrës duke thënë se vlera e tyre është rritur fiktivisht, cilësia është e dobët dhe se funksionarët e papërgjegjshëm do të paguajnë për papërgjegjshmërinë e tyre.

?Projekti i ujësjellës-kanalizimeve që zonja përmendi që është një projekt 41 milion euro i qeverisë shqiptare. Për dijeninë tuaj dhe tonën, ky projekt është firmosur në kohës e qeverisjes së Sokoll Olldashit, kur ai ishte Ministër i Transportit. Pra ishte projekt i asaj qeverie, është mbrojtur në Vjenë nga drejtori i Ujësellës-Kanalizimeve Durrës në atë kohë, pra nuk është një projekt i ri. Madje është një projekt që është nisur me 32 milion euro, por qeveria aktuale dhe me bashkpunim të qeverisjes lokale e ka shtyrë projektin dhe e ka çuar vlerën në 41 milion euro. Projekti duhet të ishte gati, sot jeni të gjithë dëshmitarë që në Durrës akoma nuk ka ujë edhe pse janë shtuar 8-9 milion euro më teper në këtë projekt të një kontrate të para 6 viteve.

Ky problem do zgjidhet duke kërkuar së pari, ku kanë shkuar fondet sepse këto fonde duhet të dalin për t?u vënë në shërbim të qytetarëve. Një tjetër vjedhje që i është bërë këtij projekti, zonja nuk i tha orët, por i di shumë mirë. Projekti ishte planifikuar për 24 orë ujë të pijshëm dhe tashmë po tentojnë për ta shitur 18 orë kur t?i vijë momenti, 6 orë ujë më pak do të keni sepse paratë kanë shkuar diku tjetër. Do monitorohet me patjetër ky lloj procesi.

Unë mendoj se kjo zgjidhet duke i bërë njerëzit të paguajnë për papërgjegjshmëritë e tyre. Kjo është a-ja. Për sa kohë në Shqipëri papërgjegjshmëria nuk ndëshkohet, kushdo që bënë një krim, një keq menaxhim dhe vazhdon të qëndrojë në pozicionet që është nuk mund të zgjidhet parimisht problemi. Pra ku janë fondet ku kanë shkuar e të përgjigjet ai që ka për t?ju përgjigjur.? ? tha Zj. Sakollari.