Nga skandali i byzylykëve tek refuzimi i vizës nga SHBA/ Bëmat dhe gjëmat e Petrit Vasilit

18 Maj 2019, 13:16, Aktualitet CNA

Petrit Vasili, ish-ministër i Shëndetësisë në qeverinë ?Berisha 2? dhe ish-ministër i Drejtësisë në qeverinë ?Rama 1?, tashmë duket se ka marrë shpatën në dorë e sulmon e bërtet kundër Rilindjes, për të cilën dha kontributin e tij që të vinte në pushtet dhe i shërbeu me devotshmëri.

Petrit Vasili, u emërua kryetar part time, një muaj në krye të LSI-së, por që më pas vendin ia zuri Monika Kryemadhi.

Edhe pse e përzunë me ceremoni, Vasili vijon të qëndrojë në krah të Kryemadhit, por edhe në krah të kreut të PD-së, Lulzim Basha, të cilin më parë e sulmonte, por siç duket Vasili nuk e ka fare problem ?të lëpijë, atë që ka pështyrë? .

Ai që flet për ndershmëri, nuk është dhe aq i ndershëm se çkërkon ta shesë veten.

Petrit Vasili, i cili ka mbajtur dy poste ministrore, dhe në të dy rastet është përfshirë në skandale.

Në vitin 2012, kur LSI qeveriste me PD-në, Vasili ishte ministër Shëndetësie, ai u denoncua nga kreu i Urdhërit të Farmacistëve, Arian Jaupllari. Sipas Jaupllarit, Vasili ishte ideatori i Unionit të Biznesit Farmaceutik, i krijuar për të shuar zërat kundër pullës fiskale, e cila rrit çmimet e ilaçeve, duke u bërë palë me grosistët, të cilët garantonin stabilitet të çmimit të medikamenteve. Por, me kalimin e kohës, këto akuza u heshtën.

Por, bëmat e Petrit Vasilit nuk mbarojnë me kaq. Vasili është përfshirë në një tjetër skandal, në kohën që LSI qeveriste me Ramën.

Më tej, në vitin 2013, kur erdhi Rilindja në pushtet dhe që u mbush parlamenti me banditë e kriminelë, gjysma e të cilëve ikën pas ligjit të dekriminalizimit, aleati i Rilindjes dhe bandave në parlament, ishte LSI-ja. Ishte Ilir Meta, ishte Petrit Vasili, bashkë me Monika Kryemadhin.

Këta i futën edhe Arben Ndokën, dhe këta e votuan edhe Elvis Roshin në Kavajë. Por, sot flasin sikur s?ka ndodhur asgjë.

LSI mori disa ministri, mes të cilave edhe ministria e Drejtësisë, dikaster të cilin fillimisht e drejtoi Manjani, ndërsa pas largimit të këtij të fundit, drejtimin e mori Petrit Vasili.

Por gjatë kësaj kohe, ky dikaster u përfshi nga skandali i zhdukjes së 300 byzylykëve që shërbenin për mbikqyrjen e personave nën hetim me masë sigurie ?arrest shtëpie?.

Së fundi ai është thirrur edhe nga Prokuroria e Tiranës, për t?u pyetur për skandalin e byzylykëve, por e refuzoi një urdhër të tillë.

Në muajt mars dhe prill të viti 2017, thuhet se ai është bërë pjesë direkte e këtij skandali të përmasave të mëdha, që i ka kushtuar shtetit jo pak, por një dëm rreth 2 milionë euro.

Por, ndërkohë, Vasili së fundi është sërish nje emër i lakuar nga mediat. Petrit Vasili është mes personave, të cilëve u është refuzuar viza nga SHBA. Dhe kjo është deklaruar nga Zëri i Amerikës.

Vasili, në përpjekje për t?u justifikuar, publikoi një foto në rrjetet sociale, të pasaportës së tij me vizën amerikane. Por në vizën që Vasili kërkoi të përgënjeshtrojë pyetjen e gazetares së ?Zërit të Amerikës? duket qartë që ajo vizë është lëshuar me 14 Qershor të 2018-tës dhe ka përfunduar në 13 Shtator të 2018-tës.

Petrit Vasili, meqë ka qejf të flasë e të sulmojë çdo gjë që ndodh në këtë vend, bën mirë së pari të sqarojë para opinionit publik, bëmat dhe gjëmat e tij në politikë./ CNA.al

Foto/ Petrit Vasili bën gafën e madhe

Nga dështimi në krye të LSI tek skandali i byzylykëve/ Vasili “lëpin atë që ka pështyrë”

Kryetari part time i LSI-së/ Petrit Vasili, njeriu i bandave