web counter
LEXO PA REKLAMA!

SHKARKO APP

App Store
Google Play

Sulmi ndaj kryeministrisë,Veliaj: "hipokrizi epike"/  Galdini sulmon "Lal Çerin"

17 Maj 2019, 17:29, Aktualitet CNA

Në vlerësim të sulmit të protestuesve të opozitës ndaj fasadës së godinës së Kryeministrisë, kryebashkiaku i Tiranës, Erion Veliaj, ka adresuar një mesazh nëpërmjet të cilit vlerëson se ajo u dëmtua si pasojë e hedhjes së sendeve të forta, bombave molotov si edhe bojës nga militantët gjatë protestave të opozitës.

?Flm kolegëve që e gdhinë për të pastruar ndërtesën e Gherardo Bosio pas ekskursionit të dhunës e teksa pasardhësit e tij italianë janë në Tiranë, të dhunosh kryeministrinë me banerin ?Mbro Tallashin? është një hipokrizi epike! Ndaj në 30 Qershor, referendum edhe për këtë?,– shkruan Veliaj.

Ndërkohë ka reaguar Arian Galdini, kryetari i partisë së djathtë LDE, i cili nuk ja doli të përballej me Veliajn në garën për kryebashkiak i Tiranës falë një manovre të KQZ që nga 3221 firmat e paraqitura nga LDE quajti të pavlefshme 347 prej tyre duke e zbritur nën pragun 3000 të firmave që kërkon ligji për shpalljen e kandidaturës.

“Lal Çeri, Gherardo Bosio do të mund të binte dakord me ty nëse ti nuk do ta ngatërroje memorien dhe kulturën me tallashin, e po mos të mbillje pemën dhe rrisje Kullën.

Edhe po mos ti shisje nipërit dhe mbesat e tij si amanetlinjtë e të ndjerit… Nuk u përballëm dot kësaj radhe sepse e doje garën para pasqyrës që së paku të gënjesh veten, por shumë shpejt do të më keni përsëri në fushëbetejë për tu përballur me të gjithë sojin tuaj dhe Aleancën tuaj të Mediokërve dhe Plaçkaxhinjve”,- sulmon Galdini./CNA.al





Lajmet e fundit nga