web counter
LEXO PA REKLAMA!

SHKARKO APP

App Store
Google Play

Denoncimi/ Marrin ndihma humanitare nga nxënësit, i përdorin për blerje vote

6 Prill 2019, 17:00, Aktualitet CNA

Ish deputeti demokrat, Luçiano Boçi në një postim në rrjetet sociale ka denoncuar kërkesat që mësues në shkollat e Tiranës i bëjnë nxënësve për të grumbulluar ndihma dhe ushqime me qëllim ndihmesën e familjeve në nevojë.

Mirëpo, sipas Boçit këto ndihma nuk dihet se ku përfundojnë dhe ka ngritur dyshimet se përdoren për përfitime politike.

Më tej Boçi shkruan se ndihmat përdoren për blerjen e votës nga drejtorët e emëruar nga kryeministri Edi Rama.

Postimi i plotë:

Jo vetëm para,

Por dhe ushqime për blerje votash!

Prindërit e nxënësve të shkollave të Tiranës ngrejnë shqetësimin për me demek, ndihmën humanitare që u kërkohet fëmijëve të tyre si kontribut.

Nuk dihet as se ku grumbullohen dhe as ku shkojnë këto ndihma.

As emër organizate e as emër qendre sociale, apo diçka e ngjashme.

Shkollat nuk ia thonë as nxënësve e as prindërve.

Edukimi me ndjenjën e solidaritetit dhe humanizmit është e domosdoshme, por bërja e transparencës po ashtu sepse devijimi nga qëllimi është poshtërsi.

Dyshimet e prindërve janë të forta se ato destinohen më pas për përfitim politik.

Për blerje votash me klering, me një trasje ushqimesh për më të vobektit, siç ka ndodhur rëndom në këto vite.

Sipas parimit varfëro e kontrollo votat.

Zinxhiri i komisarëve politikë të komanduarve e të emëruar, si drejtues të shkollave, e kanë me shumë pasion këtë angazhim, sic e tregon sms e shpërndarë nxënësve./CNA.al





Lajmet e fundit nga