web counter
LEXO PA REKLAMA!

SHKARKO APP

App Store
Google Play

Zbulohet arsyeja e vrasjes së 7-vjeçarit shqiptar në Zvicër

3 Prill 2019, 19:06, Aktualitet CNA

Ngjarja ku një e moshuar vrau në mënyrë makabre 7-vjeçarin më prejardhje nga Kosova, tronditi opinionin publik.

Mediat zviceriane kanë zbardhur disa detaje lidhur me këtë ngjarje. Mësohet se me vrasjen mizore të fëmijës ajo duket se ka dashur të tërheqë vëmendjen e publikut dhe të shtetit.

?Televizionit Telebasel? transmeton, Angela. N, menjëherë pas vrasjes ka telefonuar në Telebasel ku ka deklaruar: ?Sapo e kam vrarë një fëmijë? duke e tmerruar kështu punonjësin e administratës që kishte marrë telefonin.

Sipas transmetuesit lokal pensionistja 75 vjeçe është ndier se ?nuk po merret seriozisht? nga autoritetet. ?Unë jam dëbuar nga banesa ime, nuk kam më fare qasje në banesë?,- i ka thënë ajo me një zë të qetë punonjësit të Telebaselit.

Me partnerin e saj në fillim të viteve të tetëdhjeta të shekullit të kaluar, në kohën kur ende banonte në Allschëill të Kantonit Baselland, ajo i kishte drejtuar pa numër shumë peticione Qeverisë së Kantonit. Të dy e konsideronin veten si viktima të një ?afere korrupsioni?, përcjell albinfo.ch. Tema e ngritur nga ky çift kishte arritur deri te kryetari i atëhershëm i Parlamentit të Zvicrës, Arnold Koller.

Në arkivin Federal në Bernë, korrespondenca e partnerit të saj me autoritetet federale mbush një dosje prej më shumë se 300 faqesh, shkruan ?20Minuten?. Shumicën e letrave i kanë nënshkruar të dy partnerët.

Më simptomatike është një letër rekomande në të cilën partneri i Angela N., i shkruante presidentit të parlamentit  më 24 korrik 1985 si vijon: ?Kur politikanët dështojnë, flasin armët?. Pas vdekjes së partnerit në vitin 1999, Angela N. ishte futur gjithnjë e më shumë në borxhe dhe kishte vazhduar që për gjendjen e  saj të fajësonte autoritetet, duke u shkruar letra dhe duke u caktuar ultimatume.

E moshuara ndodhet në Bazel, në burg ku po bëhet edhe ekzaminimi i gjendjes së saj mendore. 

 

 

 

 

 





Lajmet e fundit nga