E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Paralele/ Na duhet një "buldozer korrupsioni", si ky President (Foto)

3 Prill 2019, 17:29, Aktualitet CNA

Njihet ndryshe si “buldozeri i ndryshimeve”. Nuk është as nga bashkësia euroatlantike, nga gadishulli i Ballkanit, jo që jo, por nga kontinenti afrikan, më i pasuri, ironikisht me popullsinë më të varfër, ndër gjithë kontinentet, si dhe kampion përsa i përket masës së korruptimit të elitave drejtuese.

Quhet John Mangofuli. Aktualisht mban postin e Presidentit të Tanzanisë. Para fushatës tha: Po erdha në pushtet do ti shpall luftë Korrupsionit. (në këtë pikë i ngjan politikanëve shqiptarë).

Sapo fitoi zgjedhjet dhe erdhi në pushtet, shkarkoi disa figura të rëndësishme të administratës. Ndër ta edhe kryetarin e Antikorrupsionit dhe drejtorin e Doganave. Veç për ushtrim korrupsioni dhe falsifikime, Mangufoli shkarkoi 10 mijë punonjës të administratës shtetërore.

Me dekret Presidenti, ndaloi të githa festimet e festave kombëtare të vendit, duke i futur shpenzimet e kursyera prej tyre në arkën e shtetit, në fondin e luftës kundër Kolerës që prej dekadash nga mbërthyer vendin.

E pakësoi numrin e ministrave nga 30 në 19. Gjithsecilit prej tyre i kërkoi të deklarojë pasurinë dhe të ardhurat, si dhe burimin e tyre. Për çdo deklaratë të rreme të verifikuar zyrtarisht nga institucionet kompetente çdo njeri prej tyre dënohej me burg.

I ndaloi të gjitha udhëtimet jashtë vendit të ministrave dhe zyrtarëve të administratës shtetërore pa një leje direkte prej tij. E nëse patjetër do të duhej të udhëtonin, e kishin të ndaluar të prisnin bileta të kategorisë “first class”.

Në një rast pjesëmarrjeje në një konferencë të Commonëealth-it dërgoi vetëm katër përfaqësues nga 50 që ishin bërë gati për të përfaqësuar në të Tanzaninë. Në një vizitë të papritur që bëri në spitalin shtetëror, pa që pacientët ishin të shtrirë në tokë dhe pajisjet mjekësore nuk funksiononin.

Menjëherë shkarkoi krejt administratën e këtij spitalit. Stafit të ri i dha dy javë kohë që ta ndreqte çdo problem në sektorin e shëndetësisë. Dhe ata i zgjidhën problemet brenda tre ditësh. Shpenzimet për ceremoninë e hapjes së Parlamentit të ri i ngushtoi nga 100 mijë në vetëm 7 mijë dollarë. Pjesën e mbetur të shumës e kaloi në spitalin shtetëror për të plotësuar nevojat e tij me pajisje.

Dërgoi Kryeministrin e vendit në një vizitë të befasishme në Drejtorinë e Doganës dhe, kur ky i raportoi për një shkelje prej 40 milionë dollarësh,urdhëroi të arrestohej Drejtori i Përgjithshëm i doganave dhe pesë vartës të tij. Të tre u dëmuan me nga 20 vjet burg.

Urdhëroi shitjen në ankand të të gjitha makinave luksoze, shumë të shtrenjta, me të cilat ishin pajisur zyrtarët e lartë të shtetit, duke i zëvendësuar e tyre me “Toyota” normale, të ngjashme me ato që mbajnë qytetarët tamzaniane.

John Mangofoli u quajt “Buldozeri i korrupsionit”, sepse e pastroi vendin nga zullumi i zyrtarëve shtetërorë të shqueshëm për përvetësim galopant fondesh publike, për afera të pandalshme korruptivbe dhe padrejtësi… Ai i ktheu besimin popullit të dëshpëruar për mosdaljen shumë dekadëshe nga kjo gjëndje, duke i dëhmuar me fakte se Tanzania mund të bëhet. Sot Tanzania është ndër vendet më të zhvilluara në Afrikë.

PS: E treguam të gjithë këtë histori reale për Tanzaninë, aq të ngjashme me Shqipërinë për nga veset e atyre që kanë hipur e zbritur nga froni i drejtimit të pushtetit, për të theksuar se gjithë faji për katandisjen tonë në këtë gjëndje dëshpërimin është i shtetarëve.

Për të dalë nga kjo situatë mjafton të sjellim në krye të punëve një “Buldozer korrupsioni”, si John Mangofuli, e theksojmë: si Mangofuli dhe jo si këta që kemi “zgjedhur” ndër vite, ku më të fundit janë Edi Rama dhe Ilir Meta.

Garantimin e suksesit na e dëshmon Tanzania e presidencës së John Mangofulit, Tanzania 57.31 milionë banorëshe, që po si Shqipëria ishte e zhytur në dëshpërim, korrupsion zyrtar të pandalshëm, varfëri të tejskajëshme dhe padrejtësi. Por që nuk është më e tillë, por ndër vëndet më të zhvilluara të kontinetit gjigand, Afrikës./ CNA.al

Në foto: Presidenti John Mangofuli