web counter
LEXO PA REKLAMA!

SHKARKO APP

App Store
Google Play

Dashamir Shehi: Ditën që do plotësohen kushtet, ne do hyjmë dhe do i fitojmë zgjedhjet

1 Prill 2019, 17:47, Aktualitet CNA

Kreu i Lëvizjes për Zhvillim Kombëtar, Dashamir Shehi, në një prononcim për televizionin ?ABC-News? ka thënë se përpara protestës së tetë të opozitës, tashmë rezultati është i prekshëm.

Sipas Shehit qytetarët po e shohin shpresën tek ndryshimi i sistemit.

?Ka një rritje të entuziazmit, ndoshta nuk ka mbërritur pika e vlimit, por do të mbërrijë shpejt. Bëhet fjalë për të përmbysur sistemin nga rrënjët, sepse është e vetmja mënyrë që matrica jonë politike të mos prodhojë gjithnjë Rama të tjerë, dhe kjo është shpresa për shqiptarët, mbi këtë ide të re po përqasen qytetarë?.

Hyrja në zgjedhje nuk është opsion, sipas Shehit, duke pasur parasysh kushtet në të cilat jemi tani.

?E vetmja mënyrë për të shkëmbyer pushtetet janë zgjedhjet, por të lira, të ndershme dhe me rregulla loje, që nuk lejojnë të vidhen votat në kuti dhe që mund të prodhojnë një gjë të re për shqiptarët. Ditën që mbushen këto kushte ne do hyjmë dhe do i fitojmë zgjedhjet. Unë për vete e kam menduar që ky sistem është një nga burimet që ushqen këtë të keqe të madhe. Nëse do bëjmë një qeveri teknike nuk do e bëjmë vetëm për të larguar Ramën, por mentalitetin e Ramës për të ndryshuar gjerat. Teknikja, në radhë të parë, të ndryshojë sistemin. Kemi hedhur jo një por disa teza bazë mbi të cilat mund të ndërtohet një dialog politik, sepse ligji i ri, sistemi i ri nuk bëhet i njëanshëm. Ne do fillojmë debatin tonë, por të paktën kemi mbërritur që të kuptojnë në krahun tonë që duhet ndryshuar jo vetëm mënyra si numërohen votat, por si votojnë shqiptarët për alternativën e vet?,- deklaroi Shehi. /CNA.al





Lajmet e fundit nga