web counter
LEXO PA REKLAMA!

SHKARKO APP

App Store
Google Play

Akuzat për tragjedinë e Gërdecit/ Shkëlzen Berisha flet me detaje

21 Mars 2019, 21:20, Aktualitet CNA

Djali i ish-kryeministrit, Sali Berisha, Shkëlzen Berisha, në një intervistë në emisionin ?Të Paekspozuarit?, në TV “News 24”, ka folur rreth akuzave për përfshirje të tij në Tragjedinë e Gërdecit, ku ka sqaruar arsyet pse ka hedhur në gjyq dhe i kërkon 60 milionë dollarë autorit të librit ku përmendet emri i tij.

Sipas Berishës, ai ka tentuar të kontaktojë disa herë me autorin e librit, Gay Lloson por kurrë nuk ka marrë një përgjigje nga ai.

Shkëlzen Berisha sqaron se përfshirja e tij në këtë çështje është e trilluar.

?E kam paditur sepse nuk ka kryer detyrën e tij si gazetar për të marrë informacione të sigurta. Nuk ka tentuar të më kontaktojë mua dhe të më intervistojë. Kam biseduar edhe me të ndjerin zotin Trebicka dhe të dy e dimë që është trillim. Në libër është thënë sikur unë kam lidhje me ?AY?, ai shpif dhe më referohet mua në disa faqe, ku më akuzon si të përfshirë në krime. Unë e kam kontaktuar që ta sqaroj, i kam dërguar e-mail, por e-mailet nuk kanë marrë kurrë përgjigje. Zoti Lloson, nuk ka ndryshim nga mediat në Shqipëri, që i ngatërrojnë gjërat. Gërdeci dhe ?AY? nuk kanë asnjë lidhje me njëra-tjetrën, ndërkohë ai i ka trilluar për ta bërë sa më tërheqëse fabulën e tij?,-u shpreh Shkëlzen Berisha./CNA.al





Lajmet e fundit nga