web counter
LEXO PA REKLAMA!

SHKARKO APP

App Store
Google Play

Marrëdhëniet me Presidentin Meta/ Rrëfehet Ditmir Bushati

20 Mars 2019, 09:43, Aktualitet CNA

Ish-ministri i Jashtëm Ditmir Bushati ka folur për marrëdhëniet që ka pasur me Presidentin Ilir Meta.

Sipas Bushatit,  raportet institucionale kanë qenë korrekte ndryshe nga ato njerëzore, që kanë pasur ulje dhe ngritje.

“Kam punuar me dy Presidentë, Nishanin dhe Metën. Marrëdhëniet institucionale kanë qenë korrekte por marrëdhëniet njerëzore kanë pasur disa luhatje. Ministri i Jashtëm si funksion ka raporte të drejtëpërdrejta pune përveç Kryeministrit dhe me Presidentin.  Jo vetëm për emërimin e Ambasadorëve por për çështje ekskluzive të politikës së jashtme ku të tre këto institucione kanë rol të përcaktuar qartë”, është shprehur Bushati, në emisionin ?Tempora?.

Ai më tej ka treguar se ka pasur momente të caktuara kur marrëdhënia njerëzore nuk ka qenë ajo që duhej të ishte por raporti institucional ka qenë një raport dinjitoz.

Më tej ai ka folur edhe për liderin e Vetvendosjes Albin Kurti.

“Në lidhje me Albin Kurtin ai është një personalitet në Kosovë por edhe botën shqiptare. Disa prej ideve të tij i kam çmuar dhe i çmoj siç ka çështje që kemi qëndrime të ndryshme.  Me të gjithë përfaqësuesit e politikës në Kosovë dhe përfaqësuesit e shoqërisë civile kam pasur një raport të hapur dhe bashkëpunim shumë të mirë pavarësisht pikëpamjeve të ndryshme në tema të ndryshme./CNA.al





Lajmet e fundit nga