web counter
LEXO PA REKLAMA!

SHKARKO APP

App Store
Google Play

Bushati nuk pranon shkarkimin/ "Jam liruar nga detyra, zgjodha të bëj politikanin"

19 Mars 2019, 21:58, Aktualitet CNA

Ish-Ministri i Punëve të Jashtme, Ditmir Bushati nuk e konsideron veten të shkarkuar, por të liruar nga posti i kreut të diplomacisë shqiptare.

I ftuar në emisionin “Tempora”, në TV “Ora News”, ai thotë se ia njeh të drejtën Kryeministrit për të bërë ndryshimet në qeveri.

 “ Çdo Kryeministër ka në të drejtën e tij për të bërë rifreskime në kabinetin qeverisës. Nuk mendoj se jam shkarkuar, jam liruar nga detyra si një pjesë e mirë e kolegëve. Arsyet i ka thënë dhe Kryeministri. Në fund të ditës unë jam politikan, kam zgjedhur të bëj politikanin, nuk më ka marrë njeri me zor dhe mendoj se do të rri në politikë për aq kohë sa të kem mundësinë të bëj diçka dhe do të vlerësoj që njerëzit më mbështesin. E kam filluar karrierën në politikë si këshilltar bashkiak në 2007 dhe më pas në 2009 në zgjedhjet parlamentare u zgjodha për herë të parë deputet në Tiranë. Është nder për mua dhe një lloj krenarie që drejtoj një qark të rëndësishëm për PS. Kjo nuk është një zgjedhje klasike mes partisë dhe shoqërisë. Një PS e fortë dhe progresiste që u qëndron besnike disa vlerave të saj është një investim dhe për shoqërinë dhe partinë.”

I pyetur se çfarë nguti pati partia përballë disa çështjeve vendimtare historike për vendin, ai dha këtë koment:

“Edhe çështje që kanë qenë nën përgjegjësinë e kolegëve të tjerë mund  të kenë gjithashtu një vlerë po kaq të rëndësishme. Në rast se një Kryeministër do të ishte peng i disa çështjeve mund ta kishte të pamundur për të bërë zëvendësime, rifreskime apo për ti dhënë energji  që Kryeministri i konsideron të reja apo të duhura një ekipi qeverisës.Nuk bëhet fjalë për ndryshim të linjave aq më tepër kur bëhet pjesë për politikën e jashtme. Integrimi dihet që është prioritet kombëtar”.





Lajmet e fundit nga