web counter
LEXO PA REKLAMA!

SHKARKO APP

App Store
Google Play

Ambasadori rus në BE/ Kam parë harta të “Shqipërisë së madhe”

19 Mars 2019, 15:22, Aktualitet CNA

Përfaqësuesi i Përhershëm i Rusisë në Bashkimin Evropian, Vladimir Chizhov, ka thënë se ideja për ?Shqipërinë e madhe? do të nxiste precedent për vendet tjera në rajon.

Në një intervistë për gazetën greke ?Kathimerini”, ai, është shprehur kundër ambicieve të Tiranës për krijimin e një ?Shqipërie të madhe?.

Ndërsa ka folur për Marrëveshjen e Prespës,Chizhov  ka hequr  paralele me çështjen e Kosovës.

Sipas tij, Kushtetuta e Maqedonisë u shkel haptazi dhe referendumi u shpall i pavlefshëm.

“Tani kolegët e mi në BE po thonë se kjo duhet të shërbejë si mostër për zgjidhjen e çështjeve tjera. Dhe e para që na sillet në mendje është Kosova. Kosova, përndryshe, është çështje shumë e komplikuar. Nëse merren vesh si duhet, propozimi për shkëmbim territorial mund të funksionojë. Por kjo mund të vë edhe precedent, që mund të shkaktojë probleme edhe në Maqedoninë e Veriut, ku një pjesë substanciale e popullatës është shqiptare. I kam parë disa harta të Shqipërisë së madhe, ku edhe një pjesë e konsiderueshme e Greqisë është e përfshirë?, ka  thënë Përfaqësuesi i Përhershëm i Rusisë në Bashkimin Evropian, Vladimir Chizhov./CNA.al





Lajmet e fundit nga