web counter
LEXO PA REKLAMA!

SHKARKO APP

App Store
Google Play

Kriza politike/ Ish-ministri i Brendshëm tregon zgjidhjen

12 Mars 2019, 14:17, Aktualitet CNA

Sipas ish-ministrit të Brendshëm teknik, Dritan Demiraj e vetmja zgjidhje për krizën politike në vend mbetet krijimi i një qeverie tranzitore, pa kryeministrin Rama.

I ftuar në rubrikën ?Opinion? në Neës 24, Demiraj komentoi situatën politike dhe rolin që ka luajtur policia gjatë protestave të thirrura nga opozita e bashkuar.

?Marrëveshja para zgjedhjeve tregoi se Rama ishte jo i sinqertë. Një qeveri tranzitore mund të funksionojë. Duke qenë zoti Rama në krye unë jam kundër dhe nuk funksionon. Ne konstatuam parregullsi në zgjedhjet e 2017. Ne denoncuam raste dhe parregullsitë në zgjedhje, por Prokuroria nuk i hetoi. Rama përdori një marrëveshje për t?iu hedhur hi syve ndërkombëtarëve. Gjithmonë ka vend për marrëveshje.?, pohoi Demiraj.

Demiraj e quajti të turpshme përplasjen e Policisë së Shtetit më familjarët tek zona e ?Petro Nini Luarasit? dhe kjo sipas tij ka shtuar paragjykime në policimin në komunitet.

Ndërsa në lidhje me protestën e paralajmëruar me 16 mars, tha se do të jetë në kufijtë e jashtëzakonshmes dhe me pjesëmarrje masive të qytetarëve shqiptarë.

?Do jetë një protestë e jashtëzakonshme, sepse ka dhjetëra persona që kanë ardhur edhe nga Amerika. Shfaqja e djeshme tek ?Petro Nini Luarasi? ishte e turpshme. Nëse do të isha unë në detyrën që kam patur, së pari:nuk do kishte shanse të ndodhin akte të tilla, së dyti: E dënoj propagandën. Protestat e opozitës kanë qenë paqësore. Në rast se do ta quanim të dhunshme se prishën një kërpudhë, atëherë shumë mirë sepse kjo kërpudhë nuk e ka fare vendin aty. Përdorimi  i lëndëve helmuese luftarake  kundër protestuesve është skandaloze dhe kjo tregon mungesën e paaftësinë së policisë?, tha mes tjerash Demiraj.





Lajmet e fundit nga