web counter
LEXO PA REKLAMA!

SHKARKO APP

App Store
Google Play

Habit deputeti Murrizi/ Tregon kur do të jetë pjesë e Paramentit

28 Shkurt 2019, 20:32, Aktualitet CNA

Në seancën e fundit parlamentare, ku në rend të ditës ishte dhe miratimi i dy ligjeve kryesore që lidheshin me administratën e SPAK, BKH, dy deputetët e padorëhequr, Myslim Murrizi dhe Lefter Koka, nuk ishin prezent. Megjithatë mungesa e tyre nuk e ndali votimin e dy ligjeve me unanimitetin e 72 votave pro, pra të 100 përqind të deputetëve të qenë prezent.

Deri më sot askush nuk e dinte arsyen e mungesës së dy deputetëve, ndërkohë që mbrëmjen e sotme deputeti Murrizi ka artikuluar, ironikisht, arsyen e mungesës dhe për sa kohë do të qendrojë jashtë Parlamentit.

I lidhur me emisionin “Open”, në Top Channel, ku temë diskutimi është: “PD-LSI jashtë sistemit, çdo bëj mazhoranca”, në dhënie të një përgjigjeje, Myslym Murrizi,  është shprehur:

?Nuk isha në Parament dhe nuk do të hyj deri në datë 16, kur të largohet Edi Rama. Po pres të rrëzohet, pastaj do të shkoj në Parlament. Nuk kam qenë që të mos u jap shkas njerëzve që të thonë se prania ime në Parlament e mbajti Ramën në karrige.?

?Pas datës 16, do të jem në Parlament sa herë që të ketë seanca?, shtoi deputeti i shkarkuar nga Kryesia e Partisë Demokratike./CNA.al





Lajmet e fundit nga