E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

Bizneset në krizë/ Tabaku shpalos planet e zgjidhjes

6 Shkurt 2019, 14:47, Aktualitet CNA

Nënkryetarja e Komisionit të Ekonomisë njëkohësisht deputete e Partisë Demokratike, Jorida Tabaku ka takuar sot bizneset në kryeqytet.

Në një postim në rrjetet sociale, Tabaku shkruan se bizneset nuk kanë xhiro dhe se qytetarët nuk kanë mundësi për të bërë blerjet më të nevojshme.

?Gjatë vizitës së sotme në një numër të madh dhe të shumëllojshëm biznesesh vërejta se shumica e tyre ndonëse ora po afronte 12 nuk kishin nisur ende të bënin shitjet e para. Qytetarët nuk kanë para të blejnë produkte, nuk konsumojnë pasi të gjitha të ardhurat u shkojnë në taksa, çmimin e energjisë, tarifën e ujit, kostot e transportit. Edhe marketet ishin në krizë të thellë sa i takon konsumatorëve, dëshpërimi i tyre qe i madh.?-shprehet ajo.

Më tej, deputetja thekson se kjo situatë ka zgjidhje dhe sipas saj e vetmja mënyrë për të rritur ekonominë është ulja e taksave, e çmimeve të energjisë elektrike dhe karburantit.

?A ka zgjidhje kjo situatë? Po! Një ekonomi e drejtuar për nga konsumi dhe qytetari e jo nga oligarkia është zgjidhja. Përkrah uljes së taksave, uljes së TVSh-së dhe incentivave të bizneseve do të shoqërohet me rritjen e pagave, uljen e çmimeve të energjisë elektrike, karburantit dhe sa e sa të mirave të tjerave që rëndojnë artificialisht kostot e produkteve. Qytetarët do t?u rikthehen shpenzimeve dhe nuk do t?u mbarojë rroga në ditët e para të muajit.?-vijon Tabaku.

Ajo shton ndër të tjera se ata persona që duan të varfërojnë shqiptarët janë pjesë e mazhorancës dhe kërkon që të gjithë të bashkohen me 16 shkurt në protestë për të larguar këta persona.

?Ata që nuk e duan konsumin, që duan një individ të varfër, një shqiptar që nuk konsumon, por që vetëm taksohet për t?u pasuruar vetëm lagja e mazhorancës, janë ata që sot qeverisin. Në 16 shkurt eja në shesh për të protestuar për xhepin tënd. Eja në shesh për të protestuar për taksat e larta. Për tarifat e larta. Eja në shesh për një Shqipëri më të mirë dhe për një shqiptar me më pak taksa.?-shkruan Jorida Tabaku./CNA.al