web counter
LEXO PA REKLAMA!

SHKARKO APP

App Store
Google Play

Ish-sigurimsi në KLP/ LSI kërkon shkarkimin e Arta Markut

27 Janar 2019, 11:53, Aktualitet CNA

Kreu i grupit parlamentar i LSI-së, Petrit Vasili ka kërkuar sot shkarkimin e Prokurores së Përgjithshme të Përkohshme, Arta Markut.

Në një deklaratë për mediat, Vasili ka thënë se emërimi i ish-anëtarit të sigurimit të shtetit në KLP është një shkelje e hapur e ligjit.

?Arta Marku i është drejtuar me shkresë për të kërkuar verifikimin e figurës së prokurorit Bujar Sheshi. Dhe autoriteti përkatës i ka kthyer përgjigje Arta Markut në datën 22 janar të 2019.

Ndërsa, Arta Marku nuk ka pritur këtë përgjigje dhe e ka emëruar atë në prokurori që në muajin tetor.

Sot Marku ka konsumuar hapur një shkelje të detyrës, ajo për të cilën reforma në drejtësi u ngrit rezulton e çarë sepse prokurorja që jo rastësisht u zgjodh me 69 vota është tërësisht e kapur.?-tha ai.

Deputeti i LSI-së shton se Arta Marku jo vetëm që duhet të shkarkohet, por edh e duhet të ndiqet penalisht.

?Kjo prokurore, e cila nuk pret përgjigjen e autoritetit përkatës dhe bën emërime në shkelje me ligjin duhet të marrë sa më parë masën e ndëshkimit.

Shkarkim i menjëhershëm i Arta Markut do të ishte një përgjigje, për të gjithë qytetarët në mënyrë që të besojnë te reforma në drejtësi.

Por edhe fillimi i ndjekjes penale, për të dhënë shpjegim për çfarë arsye Arta Marku e shkeli ligjin dhe bën një veprim të tillë  penal.

Çdo vonesë në mbajtjen në detyrë të Arta Markut është një atentat ndaj drejtësisë shqiptare.?-deklaroi Petrit Vasili./CNA.al





Lajmet e fundit nga