9 gjërat që askush nuk t’i thotë për heqjen e tatuazhit me lazer

27 Janar 2019, 19:15, Aktualitet CNA

Për të gjithë ju që në një periudhë të caktuar të jetës keni vendosur të bëni një tatuazh dhe më pas jeni penduar duhet të dini disa gjëra të rëndësishme.

Janë 9 pika të cilat duhet t?i merrni parasysh para se të shkoni drejt e tek lazeri, (që duhet thënë është edhe i kushtueshëm).

Po i rendisim me rradhë më poshtë:

1. Duhet të drejtoheni tek një mjek.
Kur jeni duke marrë një vendim për të hequr tatuazhin duhet t?i drejtoheni mjekut. Kështu çdo hap do të jetë nën mbikëqyrjen mjekësore dhe do të shmangni djegien apo irritimin e lëkurës.

2. Do të të marrë muaj, ndoshta edhe një vit
Tatuazhet nuk zhduken me një seancë lazeri. Shumë njerëz bëjnë 6 të tilla dhe prapë kanë nevojë akoma. Duhet një kohë e gjatë për të përfunduar, sepse çdo herë që tatuazhi është nën lazer, grimcat ndahen dhe treten nga sistemi imunitar i trupit. Periudha e rigjenerimit është deri në tetë javë dhe çdo herë lazeri thyen grimcat e reja të pigmentit. E kështu vazhdon me rradhë.

3. Është e kushtueshme
Nëse i keni kryer procedurat tuaja nga një mjek, fatura për secilën vizitë mund t?ju kushtojë shumë. Prandaj kini parasysh se xhepat tuaj do të përballojnë një kosto jo të vogël.

4. E gjithë boja mund të hiqet
Në kundërshtim me besimin e vjetër se tatuazhet me ngjyrë nuk hiqen, tanimë kjo gjë është e mundur. Kjo falë teknologjisë së avancuar.

5. Bëhu gati për gjilpëra
Përgatituni mendërisht për vizita që përbëhen nga më shumë se vetëm një lazer i shpejtë dhe i lehtë. Gjilpërat janë pjesë e procedurave për injektimin e substancave të ndryshme, ngrirjen, lazerin etj.

6. Ka dhimbje më pas
Medoemos ju duhet një javë pushim nga çdo angazhim që keni. Duhet të bëni scrub të vazhdueshëm dhe të aplikoni kremëra të ndryshëm për rigjenerimin e lëkurës me shëndet të plotë. Sa më shumë trajtime që bëni, aq më mirë.

7. Ju do të keni nevojë për gjëra specifike, madje edhe rroba të tilla
Shumë njerëz blejnë rroba të cilat nuk kanë material tek vendi i tatuazhit. Kjo për të shmangur irritimin e mundshëm. E gjitha kjo zgjat vetëm për pak kohë sigurisht dhe më pas do të filloni të vishni normalisht rrobat tuaja. Gjithashtu do ju nevojitet një krem antibiotik dhe hidratues të cilën duhet ta aplikoni tri herë në ditë.

8. Pas heqjes mund të mbeten shenja ose vija të bardha
Lëkura pas heqjes së tatuazhit nuk mund të jetë e përsosur. Madje pigmenti i saj mund të ketë ndryshuar.

9. Por mund të ketë një tjetër lazer që e rregullon këtë
Ne i përkasim së ardhmes!