Denoncim/ "Merret peng" burgu i Peqinit

27 Janar 2019, 10:33, Aktualitet CNA

Punonjësit e burgut të Peqinit dhe të pambrojturit dhunohen nga të burgosurit që janë të lidhur me qeverinë dhe krimin bën me dije ish-kryeministri Sali Berisha.

Në një postim në rrjetet sociale, Berisha shkruan se fukarenjtë dhe të pambrojturit humbasin jetën si pasojë e keqtrajtimeve dhe mungesës së mjekimeve.

?Burgjet ku ligjin e bëjnë baronët e krimit dhe drogës!

Miq, burgjet tona janë ferr i vërtetë për fukarenjtë dhe njerëzit e pambrojtur. Pothuaj çdo javë vdesin të burgosur të varfër, nga sëmundje të pamjekuara, keqtrajtim etj.?-shprehet ai.

Më tej, ish-kryeministri thekson se miqtë e qeveritarëve rrahin për vdekje personelin, ndërsa shton se kjo gjë është mbuluar nga Drejtoria e Burgjeve.

?Kurse miqtë e qeveritarëve baronët e drogës dhe krimit bëjnë ligjin. Ata rrahin, keqtrajtojnë personelin dhe drejtoria e burgjeve mbulon krimet e tyre ndaj punonjësve.?-thotë ai.

Më tej, Sali Berisha publikon denoncimin e qytetarit, i cili thotë se punonjësit e burgut të Peqinit dhunohen nga të burgosurit e lidhur me qeverinë dhe asnjë nuk merr masa.

Lexoni denoncimin e qytetarit dixhital. sb

Ju përshëndes Doktor. Me respektin për ju si qytetar, kam mundësinë që t?ju shkruaj diçka që do jetë e vlefshme për tu denoncuar, si një problem real që po ndodh në burgjet e vendit.

Ajo që do të kërkoja nga ju për shkak të besueshmërisë së konfidencialitetit, sepse ai që ma ka thënë është punonjës i burgut të Peqinit, (polic) më thotë se në këtë burg të sigurisë së lartë ku ka të burgosur të përjetshëm, sjellja e të burgosurve me personelin e shërbimit, policët dhe me edukatorët, është jo normale.

Para disa muajsh një polic është rrahur gati për vdekje, e morën me barelë nga një i burgosur apo disa të burgosur për një shkak të parëndësishëm.

Po kështu para disa ditësh një edukator është qëlluar nga dy të burgosur.

Për këto raste nga drejtoria e burgjeve është heshtur dhe nuk bëhet asnjë denoncim, rastet mbahen të fshehtë, edhe pse kemi të bëjmë me një burg të sigurisë së lartë.

Nga polici në fjalë thuhet se takimet e policëve kur shkojnë në takimet e të burgosurve është jashtë çdo parametri, ku çdo edukatori apo polici mund t?i merret edhe jeta nga të burgosurit dhe askush nuk mban përgjegjësi. Pa folur pastaj për futjen e sendeve dhe lëndëve narkotike që sjellin më pas efekte negative në sjelljet me personelin.

Shpresoj në mirëkuptimin e konfidencialitetit, por edhe të vërtetësisë së informacionit?-shprehet ai.

Ndër të tjera, qytetari shton se niveli i punonjësve të caktuar nga kryeministri Edi Rama është shumë i ulët, pasi sipas tij janë me arsim të blerë.

?Pale të flasësh për nivelin e punonjësve apo punonjëseve sidomos atyre që janë caktuar nga partia e Edit Ramës që janë nën nivelin e lejuar, me arsim të blerë dhe shkollim të mangët

Këtë të vërtetë e thash duke marrë shkas se si është regjimi i të burgosurve në SHBA përmes një filmi, ku të burgosurit nuk bëhen dot si gangsterë, ndërsa në burgjet tona, të burgosurit sillen tamam si kapo dhe punonjësve nuk ua mban të bëjnë gëk mëk se i pushojnë nga puna, edhe pse janë të rrezikuar me jetën?-shkruan denoncuesi./CNA.al