web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Ka përgjegjësi kryeministri Rama për 8 ministrat e shkarkuar?

8 Janar 2019, 18:40, Aktualitet CNA

Me një lëvizje të beftë e të paparalajmëruar kryetari i PS-së, njëherësh dhe mbajtës i postit të Kreut të qeverisë ?Rama 2?, komunikoi shkarkimin e më shumë se gjysmës së kabinetit që drejton dhe zëvendësimin e tyre me të rinj.

Motivi i këtij shkarkimi ishte shëndoshja e mënyrës së qeverisjes, çka don të thotë se me tetëshen e ministrave të zëvendësuar standarti i drejtimit të tetë dikastereve që ata mbulonin nuk ishte i duhuri.

Edhe  pse Kryeministri nuk e artikuloi drejtëpërdrejtë motivin e largim – zvendësimeve, arsyetimi i asaj çka ai la të nënkuptohej ishte i tillë. Duke përdorur hipokrizinë i lavdëroi për punë të shkëlqyer e, megjithatë, i largoi nga detyra për ti dhenë hov të ri qeverisjes?! Një logjikë që vetëm Edi Rama e njeh dhe e përdor për të mos pranuar faktin se ishte i detyruar ti lëvizte ushtarët e tij për të ndryshuar rrjedhën e protestës studentore që në fillimnisjen e saj ia drithëroi këllqet. Por dhe e bëri të vetëdijshëm se me dredhi e propagandë boshe nuk shkohet gjatë.

Sepse sado të ndezësh altoporlantët që predikojnë suksese dhe vetëm suksese, është e pamundur ti fshehësh raportet e ndërkombëtarëve që i rendisin shqiptarët ndër më të varfërit e Rajonit. Dhe shkaktar për këtë është stafi që prej pesë vitesh qeveris vendin, me Edi Ramën kryeministër, i cili megjithse predikon rritje të fuqisë blerëse e konsumit, një jetesë më të mirë se dje etj., në fakt, me politikat që ndjek ka bërë realitet shtimin e pasurive për pesë përqind të oligarkëve, konvertimin e shtresës së mesme në të varfër dhe të kësaj të fundit në varfëri të tejskajëshme.

Realitet ky të cilin e evidentonte edhe raporti më i fundit i Bankës Botërore, që konstatonte se 31.3% e popullsisë jeton me 5.5 USD në ditë. Përveçse jeton në varfëri ekstreme kjo pjesë e popullsisë lufton të përmbushë kërkesat bazë të jetesës si banesa, shëndeti,edukimi dhe aksesi në ujë kanalizime. 7.7 % jeton me 3.10 USD në ditë pa ja dalë të siguroj ushqimin bazë, kurse 1.1% e shtyjnë jetën me 1.90 USD në ditë…

Janë shifrat e BB të rrjedhura nga politika e qeverisjes që prioritet ka vetëm shtresën e pasur dhe pasurimin e klaneve të lidhura me qeverisësit. Për aplikimin e të tilla politikave varfëruese përgjegjës është vetë kryeministri Rama, i cili është po aq përgjegjës edhe për lënien në fron të tetë ministrave të lavdëruar prej tij në pragheqjen nga posti, por të lenë ndër detyra për rreth pesë vite./CNA.al





Lajmet e fundit nga