E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Kampistet e Monës në Jalë, studentët dhe një këshillë për Besa Shahinin

8 Janar 2019, 17:41, Aktualitet CNA

Konfederata e Sindikatave të Shqipërisë në një deklaratë ka akuzuar opozitën se kërkoi të njollosë protestën e studentëve.

Sipas KSSH, studentët e bënë qeverinë të shkundet dhe i treguan opozitës se në vdekjen klinike të këtij vendi ata kanë meritat e tyre.

?Me çmim opozita më shumë se sa vetë mazhoranca tentoi të njollosë protestën e studentëve, të cilët nuk u dhanë mundësinë të bëhen protagonist për asnjë moment.
Ky ishte një makth më vete për ata përfaqësues të opozitës mes tyre Monën, Metën e një tufë deputetësh të LSI e PD që nga auditoret e universitetit janë katapultuar direkt në kuvend e institucione të rëndësisë së lartë.
Studentët e fituan betejën e tyre, e bënë qeverinë të shkundet, të miratojë kërkesat e tyre dhe ndryshojë kabinetin qeveritar. Studentët i treguan opozitës në në vdekjen klinike të këtij vendi ata kanë meritën e tyre.
Sot studentët ata të vërtetët heronjtë e protestës u kthyen në auditore, aty ku e kanë vendin pasi finalizuan me sukses misionin e tyre fisnik.
Krejt e pakutimtë thirrja e përfaqësuesve të opozitës deri më datën 6 janar për studentët që ata të dilnin në protestë, a thua po ju drejtoheshin anëtarëve te LRI apo FRPD-së e jo 140 mijë të rinjve shqiptarë.
Çdo tentative për të njollosur këtë protestë do dështojë pasi guximi dhe vlerat e këtyre te rinjve s?mund të bëhen bashke me llucën ku po mbytët klasa politike, fajtore për këtë tranzicion të stërzgjatur.?-thuhet në deklaratën e KSSH

KSSH i kërkon kryeministrit, Edi Rama të plotësojë sa më shpejt kërkesat e studentëve dhe ministres së re të Arsimit, Besa Shahini ti rikthejë dinjitetin arsimtarëve.

?Qeveria Rama të plotësojë sa më shpejt të gjitha kushtet pasi studentët treguan se nuk janë më ata katranjosët që rrinë kafeneve, por janë të rinj që kanë vendosur të ndërtojnë të ardhmen në vendin e tyre.
Vettingu në radhët e pedagogëve duhet të finalizohet sa më shpejt pasi brezin e ri s?mund ta lemë në duart e xheketave të vjetra të masterizuar e doktoruar tek Kristali apo kioska të tjera.
Ministrja e re Arsimit Besa Shahini uroj të ketë zënë mësim nga kjo histori e të shkundë këtë ministri nga dallkaukët e servilët.
Shahini duhet të fokusohet të rikthejë dinjitetin tek arsimtarët dhe zhbërja e kontratës kolektive fiktive duhet të jetë hapi i parë i ndërmarrë nga ajo. Asnjë kontratë kolektive nuk mundet të mbajë peng dinjitetin e arsimtarëve.?-shkruan Konfederata e Sindikatave të Shqipërisë./CNA.al