web counter
LEXO PA REKLAMA!

SHKARKO APP

App Store
Google Play

Ligji për mediat online/ Reagim i ashpër i Partisë Demokratike

6 Janar 2019, 16:37, Aktualitet CNA

Partia Demokratike ka reaguar ashpër në lidhje me projektligjet e hartuara nga qeveria për median online.

Kryetarja e Komisionit Parlamentar për Çështjet e Mediave, Albana Vokshi informoi të gjithë institucionet ndërkombëtare,trupin diplomatik të akredituar në vendin tonë, Bashkimin Europian dhe Shtetet e Bashkuara mbi projektligjet e qeverisë për të kontrolluar median online në Shqipërinë.

Në këtë letër zyrtare, Vokshi raporton se projektligjet e qeverisë janë hartuar pa asnjë transparencë dhe konsultim me grupet e interesit apo gazetarët. Projekligjet  janë hartuar pas një fushate të Kryeministrit që e ka cilësuar median ?kazan?, ?media e rremë? apo ?gazetari e papërgjegjshme?. Më tej, evidentohet se organizatat e pavararura të medias, intelektualë dhe opozita i kanë kundërshtuar ashpër këto nisma që kërkojnë të nënshtrojnë median online përmes një kontrolli politik që shkon nga gjobitja e tyre deri në ndalimin e lirisë së aksesit në internet.

Gjithashtu, katër organizata të njohura ndërkombëtare si; Qendra Europiane për Lirinë e Medias, Federata Europiane e Gazetarëve, Reporterët pa Kufij dhe PEN International i kanë kërkuar Kryeministrit të tërheqë menjëherë këto projekligje.

?Përkundër reagimeve të tilla, qeveria duket se synon të vazhdojë me ndryshimet legjislative duke pasur parasysh që me shumicën e siguruar të votave në Parlament mund të miratojnë edhe ligje të tilla censure.

Më lejoni që me anë të kësaj letre, të kërkoj mbështetjen tuaj për ti bërë presion qeverisë shqiptare të tërheqë dy projekligjet e propozuara të censurës si dhe të bahskëpunojë me organizatat e medias, komunitetin e gazetarëve dhe organizatat ndërkombëtare për të gjetur rrugën e përmirësimit të cilësisë së medias, duke respektuar në të njëjtën kohë lirinë e medias dhe të shprehjes?- thuhet në letrën e znj Vokshi për ndërkombëtarët./CNA.al





Lajmet e fundit nga