web counter
LEXO PA REKLAMA!

SHKARKO APP

App Store
Google Play

Rrëzimi i dekretit të Metës/ PD-LSI, letër Ruçit: Anullo menjëherë vendimin e Kuvendit  

24 Dhjetor 2018, 11:01, Aktualitet CNA

Nëpërmjet një letra publike, drejtuar Kuvendit të Shqipërisë, Partia Demokratike dhe Lëvizja Socialiste për Integrim i janë drejtuar kryeparlamentarit Ruçi, duke kërkuar,  anulimin e vendimit të Kuvendit, që rrëzoi dekretin e presidentit, ?Për tatimin mbi të ardhurat?.

Shkresa mban firmën e krerëve të grupeve parlamentare, Spaho dhe Vasili. Opozita akuzon mazhorancën se me vendimin e marrë është shkelur hapur rregullorja e Kuvendit.

?Duke vepruar në këtë mënyrë, Kuvendi i Shqiperisë, duke shkelur Rregulloren, ka minuar bashkëjetësën normale të të gjitha grupimeve politike në Kuvend. Nëse opozitës i mohohet e drejta e saj kushtetuese për t?u njohur me cështjet që shqyrtohen e miratohen në Kuvend, sipas rregullave dhe afateve të përcaktuara nga Rregullorja e Kuvendit, atëherë ky veprim antikushtetues tenton të asgjësojë defacto rolin e opozitës në Parlament, që është jetik për funksionimin demokratik të shtetit shqiptar?- thuhet në letër.

Më tej, krerët e grupeve parlamentare kërkojnë nga Këshilli për Rregulloren, Mandatet dhe Imunitetin që:

Të konstatojë shkeljen e Rregullores së Kuvendit

Të kërkojë nga Kryetari i Kuvendit anulimin e vendimit të Kuvendit të datës 20 dhjetor 2018

Të kërkojë nga kryetari i Kuvendit shqyrtimin e miratimin e dekretit të Presidentit të Republikës ?Për kthimin për rishqyrtim në Kuvend të ligjit për disa ndryshime dhe shtetas në ligjin ?Për tatimin mbi të ardhurat? të ndryshuar, sipas procedurave ligjore të paracaktuara nga Rregullorja e Kuvendit./ CNA.al





Lajmet e fundit nga