web counter
LEXO PA REKLAMA!

SHKARKO APP

App Store
Google Play

E fundit!

x

Kërcënohet me jetë Elvana Gjata/ Zbardhet dëshmia sekrete pas kthimit nga Austria

30 Nëntor 2018, 15:50, Aktualitet CNA

Pas atentatit të 4 tetorit në ish-bllok, ku humbi jetën i riu Fabian Gaxha dhe mbetën të plagosur Ervis Martinaj dhe Elion Hato, një sërë detajesh të reja kanë dalë në dritë.

Në ngjarjen e rëndë u përfol se ishte përfshirë edhe këngëtarja Elvana Gjata, e cila mënjëherë pas ngjarjes u largua në drejtim të paditur, ndërsa policia shqiptare e shpalli në kërkim.

Por burime zyrtare nga Policia e Tiranës, për gazetën Panorama bëjnë me dije se Elvana Gjata ka marrë kërcënime për jetën nga persona të panjohur disa ditë pas ngjarjes, ndërsa bëhet e ditur se janë marrë masa për mbrojtjen e këngëtares dhe të familjes së saj.

Vetë Elvana ka konfirmuar në Polici disa ditë më parë, se para se të ndodhte ngjarja, nuk ka pasur probleme dhe as nuk është kërcënuar. Ajo ka deklaruar se nuk i njeh asnjë nga personat e përfshirë në konflikt dhe se nuk ka qenë në lokal as para dhe as në momentin kur ka ndodhur ngjarja.

Elvana në dëshminë e saj ka bërë me dije se në lokalin ku ndodhi ngjarja është paraqitur për të takuar të fejuarin e saj, Ervin Mata, që ti jepte çelsat e shtëpisë, pasi nuk do e takonte më gjatë asaj nate.

Ndërsa e pyetur nëse ka pasur komunikime me Matën gjatë kësaj kohe që ai është i shpallur në kërkim, ajo ka mohuar të ketë folur me të dhe ka deklaruar se nuk ka dijeni për vendndodhjen e tij.





Lajmet e fundit nga