web counter
LEXO PA REKLAMA!

SHKARKO APP

App Store
Google Play

Kontrabandë në Kapshticë/ Arrestohet doganieri dhe tre shtetas të tjerë

30 Nëntor 2018, 13:44, Aktualitet CNA

Një doganier si dhe tre shtetas të tjerë kanë rënë në prangat e policisë në Kapshticë.

Mësohet se doganieri i arrestuar është shtetasi Lulzim Kodra, i cili akuzohet për “Shpërdorim detyre” pasi lejoi kalimin e 4 mjeteve me mall të dyshuar kontrabandë, pa ushtruar kontrollin përkatës.

Gjithashtu në pranga kanë rënë edhe 3 shtetas të tjerë si dhe një tjetër është shpallur në kërkim, për veprën penale “Kontrabanda me mallra të tjera”.

Burimet nga policia bëjnë të ditur se të arrestuarit janë Lulzim Kodra, 59 vjeç, banues në Sovjan Maliq, me detyrë doganier pranë Doganës së Kapshticës, si dhe shtetasit R.Sh, 29 vjeç, K. M 23 vjeç, P. V, 45 vjeç,

Ndërsa në kërkim është shpallur shtetasi G.M, 29 vjeç, banues në Bilisht Devoll.

?Shtetasit e mësipërm, janë kapur në Bilisht, me mjetet e tyre respektive në të cilat iu gjetën të ngarkuara mallra të dyshuara kontrabandë (fruta të thata) të cilat kanë kaluar nga Pika e Kalimit Kufitar të Kapshticës ku shtetasi L.K, dyshohet të ketë shpërdoruar detyrën duke mos zbatuar procedurat e kontrollit të këtyre mjeteve.

Materialet për hetime të mëtejshme i kaluan Prokurorisë të Rrethit Gjyqësor Korçë për veprat penale bazuar në nenet 248 e 174 të Kodit Penal.?-thuhet në njoftimin e policisë./CNA.al





Lajmet e fundit nga