Histori të pathëna të konfliktit në Ballkan/ Kur kriminelet e luftës ishin gra

30 Nëntor 2018, 17:00, Aktualitet CNA

Përshtatur nga Birn Beograd

Gjykata e lartë e Beogradit dënoi një ish antare të forcavave ushtarake Serbe me 5 vite burg. Ranka Tomic, u akuzua se kishte marrë pjesë në torturat ndaj një 18-vjeçareje boshnjake, të quajtur Karmen Kamencic, në korrik të 1992, gjatë luftës në Bosnje.

Rasti është i veçantë, sepse në këtë rast si viktima dhe agresorja ishin gra.

Sipas dëshmive Kamencic u zhvesh lakuriq dhe u detyrua të gërmonte varrin e saj duke u zvarritur.

Tomic dhe të tjerë e rrahën Kamencic me shkopinj si dhe i prenë flokët. Më pas me thikë i kishin prerë pjesë nga veshët si dhe e kanë prerë në pjesën e poshtme të shpinës.

Tomic, e ka goditur viktimën e saj me lopatë, teksa e detyronte që të këndonte këngë serbe.

Më në fund Kamencic, u qëllua nga një tjetër antar i skuadrës së Tamic, duke mbetur e vdekur në vend.

Shumica e raporteve mbi luftërat ballkanike të viteve 1990 i përmendin gratë vetëm si viktima. Gjithsesi shumë gra i janë bashkuar ushtrive atherë,shifrat e pjesmarrjes së grave në ushtri nuk janë ende të qarta,megjithatë flitet për 5,360 gra, të cilat kanë marrë pjesë në luftë.

Gruaja e parë e dënuar nga një gjykatë ndërkombëtare

Biljana Plavsic, ish presidentja e pjesës serbe të Bosnjës, ka qenë liderja e parë grua, që është dënuar nga një gjykatë ndërkombëtare për krimet e luftës në ish-Jugosllavi.

Ajo është akuzuar për genocid, bashkëpunim në shfarosje popullësie,vrasje, si dhe për krime të tjera lufte.

Ajo është gjithashtu e famshme për persekutimin e personave me etni jo serbe,për shkaqe politike,etnike dhe fetare.

Edhe pse u shpall fajtore, sapo përfundoi periudha e dënimit ajo u kthye në Beograd dhe u shfaq disa herë në publik,duke pretenduar pafajësinë.

Ka disa shembuj të grave, që janë dënuar nga gjykatat për krime lufte në vendet e ish-Jugosllavisë, gjithsesi përfshirja e tyre ngel numerikisht më e ulët se sa përfshirja e burrave.

Një nga gratë e dënuara për krime lufte është edhe Nada Kalaba, ajo u dënua me 9 vite burg për pjesëmarrjen në vrasjen e 200 të burgosurve kroatë në vitin 1991.

Sladjana Korda, u dënua në mungesë me 8 vite burg,për krime kundër civilëve.Ajo ishte pjesë e një skuadre të ushtrisë Serbe, që u akuzua për vrasje,abuzime si dhe grabitje të popullsisë jo serbe.

Raste të tilla tregojnë se edhe gratë ashtu si burrat janë të afta për të marrë pjesë në luftë dhe jo vetëm.

Lufta shihet si punë për burra edhe prej konceptit të stereotipeve të krijuara me kohën. Gruaja shfaqet e brishtë dhe brenda shtëpisë, ndërsa burri është i forti dhe shpesh portretizohet jashtë dyerve të shtëpisë, në kohë lufte edhe me armë në dorë./cna.al