web counter
LEXO PA REKLAMA!

SHKARKO APP

App Store
Google Play

Deputeti kryqëzon Hysenin/ I kujton çmimin më të mirë

20 Nëntor 2018, 12:27, Aktualitet CNA

Pasi deputeti i Partisë Socialiste, ditën e djeshme ka përdorur termin autist, për sharje politike, ka reaguar deputeti i Partisë Demokratike, Agron Shehaj.

Në një postim në rrjetet sociale, Shehaj e cilëson gjuhën e përdorur nga Hyseni, fyese e denigruese, ndërsa thekson se  çmimi më i mirë që ka marrë gjatë gjithë karrierës së tij është ai nga komuniteti i personave me sindromën Down.

?E dini cili është çmimi më i bukur që kam marrë gjatë gjithë karrierës sime në biznes e politikë? Vleresimi nga komuniteti i personave me sindromen Down, dhënë nga Organizata Ndërkombëtare e Sindromës Down per kontributin tim per femijet me sindromen Down te Fondacionit @Down Syndrome Albania.
Si kontribues i hershëm i këtij fondacioni, si deputet, si qytetar por edhe si baba, ndiej detyrën të reagoj ndaj gjuhës fyese e denigruese të deputetit Alket Hyseni.
Hyseni përdor gjendjen e të prekurve nga autizmi si formë fyese.

U ndjeva i neveritur. Jam i sigurtë që Hyseni nuk e di çfarë është autizmi, nuk e ka takuar kurrë një fëmijë ne spektrin e autizmit apo me sindromen Down dhe s?ka njohur kurrë dy prindër që luftojnë në mënyrë të vazhdueshme per te ndryshuar mendësi si kjo e tij?,- shkruan Shehaj.

Shehaj kërkon që deputeti socialist të kërkojë falje ose të japë urgjent dorëheqjen.

?Pikërisht për këtë ai duhet sot, së paku, të kërkojë ndjesë. Dhe, nëse i ka mbetur ndopak ndërgjegje, të japë urgjent dorëheqjen.
Nëse vendin e Hysenit do e zinte një person me aftësi të kufizuara, politika do dilte e fituar?,- përfundon Shehaj./ CNA.al

 





Lajmet e fundit nga