E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Larg syrit, larg zemrës” s’vlen më! Ja çiftet e famshme shqiptare që kanë një lidhje në distancë dhe ia dalin

13 Nëntor 2018, 11:10, Lifestyle CNA

Thonë që çiftet që kanë një lidhje në distancë, kanë një ndjenjë më të fortë për njëri-tjetrin.

Ka shumë njerëz që dinë të ruajnë një marrëdhënie të shëndetshme kur janë larg njëri-tjetrit, ashtu siç ka edhe nga ata që thjesht dorëzohen, pasi e kanë tepër të vështirë t?ia dalin.

Sot ka forma të ndryshme komunikimi, që mundësojnë kontaktin përmes teknologjisë. Megjithatë mungesa e besimit, e komunikimit dhe e kontaktit qoftë atij fizik apo shpirtëror e vë në provë një lidhje dhe rezistencën e partnerëve.

Ndaj ne do të sjellim sot disa shembuj çiftesh shqiptare që ia kanë dalë të jenë bashkë dhe të hedhin poshtë atë shprehjen e famshme ?Larg syrit, larg zemrës? edhe pse i ndan një distancë e madhe fizike.

Largësia ka qenë një ?problem? mes dy të dashuruarve që në fillimet e tyre dhe Kejsi ka treguar se nuk e ka pasur të lehtë largimin në Kanada. Bukuroshja brune është shprehur se largësia është shumë e vështirë dhe jo vetëm për faktin e mungesës fizike. Ajo tregon se një marrëdhënie me distancë të largët, kërkon përpjekje të vazhdueshme për t?i mbajtur gjërat në rrugën e duhur. Nuk e ka mohuar që mes saj dhe Stresit ka pasur edhe zënka e argumente që mund të zgjidheshin më mirë nëse do të ishin pranë. Megjithatë gjithçka harrohet kur bëhen bashkë dhe për Kejsin ia vlen distanca vetëm për të përjetuar momentin kur takohet me gjysmën e saj.

Reperi shqiptar u largua drejt Zelandës së Re për të siguruar një të ardhme më të mirë për familjen e tij. Vesa dhe djali qëndruan për një kohë të gjatë larg Big Bastës, duke kaluar një prej sprovave më të mëdha, distancën. Ata ia dolën të bashkoheshin dhe kaluan disa muaj të bukur në shoqërinë e njëri-tjetrit, të paktën deri pak javë më parë, kur Vesës iu desh të vinte sërish në Kosovë, për t?u bërë pjesë e një projekti të ri në radio. Për hir të punës, Vesa ka marrë dhe vogëlushin Lian, duke lënë partnerin në Zelandën e Re. Shpresojmë që kjo ndarje të mos vazhdojë për shumë kohë dhe ata të bashkohen sërish.

Ashtu si motrës Marina, edhe Luana Vjollcës ia vodhi zemrën një djalë nga Kosova. Bëhet fjalë për Krenar Çoçajn, i cili sot është menaxheri kryesor i moderatores dhe në të njëjtën kohë vijon me punën e tij në Kosovë. Nuk e dimë nëse Krenari ka në plan të zhvendoset përgjithmonë në Tiranë, aty ku Luana tashmë po zhvillon karrierën e saj në televizion dhe si këngëtare. Çifti tregohet mjaft diskret sa i përket vajtje-ardhjeve Tiranë-Prishtinë, e megjithatë distanca nuk i pengon të kenë një marrëdhënie të shëndetshme.

Blerja e një shtëpie të re në Tiranë, na ngjalli shpresat se Eni Koçi po shkon drejt rrugës së bashkëjetesës me partnerin. Me sa duket dyshja ka marrë vendimin serioz për të jetuar bashkë. Megjithatë kjo nuk i përjashton të gjitha sfidat që ata kanë kaluar për shkak të distancës mes tyre. Genci në Kosovë dhe Eni në Tiranë, rrugët e tyre gjithnjë kanë qenë të ndara, por me sa duket e kanë gjetur një pikë të përbashkët.

Tani që Lori ka ?braktisur? Tiranën e saj për të jetuar në Londër, të gjithë pyesim: Po me Visin ç?po ndodh? Fashionista po vijon studimet në Britani dhe kohët e fundit e kemi parë të bëjë statuse prekëse në Instagram që na tregojnë mungesën që ndjen për vendin e saj dhe Visin. Prej një kohë të gjatë që pas mbarimit të studimeve të Lorit në Itali, ata kanë qenë pranë njëri-tjetrit, dhe kjo do të jetë një sfidë e madhe për lidhjen e tyre.