web counter
LEXO PA REKLAMA!

SHKARKO APP

App Store
Google Play

Video-Vrasja në Vlorë/ Si u arrestua autori pas një orë ndjekjeje

9 Nëntor 2018, 16:46, Aktualitet CNA

Mesditën e sotme, kreu i njësisë administrative në fshatin Kot të Selenicës, 64-vjeçari Fatmir Hodo u vra me armë zjarri nga 44-vjeçari, Admir Delaj.

Policia e Vlorës ka publikuar pamjet e arrestimit të Admir Delaj. Mësohet se  44-vjeçari nga fshati Gumenicë është arrestuar pas afro një orë ndjekje.

Njoftimi i plotë:

Selenicë, Vlorë

Policia identifikon dhe kap në kohë rekord autorin e vrasjes së 64-vjeçarit,  ndodhur në fshatin Kotë të Selenicës.

Arrestohet pas afro një ore ndjekje, autori i dyshuar, 44-vjeçari nga fshati Gumenicë.

Në fshatin Kotë, rreth  orës 14:55, në hyrje të një lokali, dyshohet se shtetasi Admir Delaj ka qëlluar me armë gjahu shtetasin F. H., 64 vjeç, banues në fshatin Gumenicë, i cili ka humbur jetën.

Policia e Vlorës dhe e Selenicës, me të marrë njoftim për ngjarjen, kanë shkuar menjëherë në vendngjarje ku kanë identifikuar autorin e ngjarjes shtetasin Admir Delaj i cili pas vrasjes ishte larguar menjëherë me automjetin e tij.

Forcat e Policisë u vunë në ndjekje të autorit ku pas afro një orë ndjekje, u bë e mundur kapja e tij, në dalje të banesës në fshatin Gumenicë ku kishte mbyllur mjetin dhe po tentonte të largohej.

Nga hetimet paraprake të kryera dyshohet se ngjarja ka ndodhur nga një konflikt i çastit, pasi dy shtetasit e mësipërm kanë konsumuar pije alkoolike bashkë disa minuta para se të ndodhte ngjarja.

Grupi hetimor ka sekuestruar në cilësinë e provës materiale armën e krimit (armë gjahu “Çifte”), si dhe automjetin me të cilin u largua nga vendi i ngjarjes (Fuoristradë Benz ML).

Gjithashtu nga kontrolli i ushtruar në banesë është gjetur dhe sekuestruar edhe një armë tjetër gjahu tip “Çifte” e cila nuk ka lidhje me ngjarjen, por rezulton pa lejen përkatëse.

Grupi hetimor i kryesuar nga Prokurori po vijon punën për zbardhjen e plotë të rrethanave të ngjarjes.

Materialet në ngarkim të shtetasit Admir Delaj, në përfundim të veprimeve të para hetimore do ti kalojnë Prokurorisë së Rrethit Gjyqësor Vlorë për veprime të mëtejshme për veprën penale “Vrasje me dashje”./ CNA.al

 





Lajmet e fundit nga