web counter
LEXO PA REKLAMA!

SHKARKO APP

App Store
Google Play

E fundit!

x

Thirrjet antishqiptare/ Kërkohet mbledhje urgjente e Këshillit të Sigurisë Kombëtare

9 Nëntor 2018, 11:59, Aktualitet CNA

Pas thirrjeve nacionaliste dhe antishqiptare që shoqëruan ceremoninë mortore të Kacifas dje në Bularat të Gjirokastrës, ka reaguar kreu i PDIU-së, Shpëtim Idrizi.

Në një deklaratë për mediat, Shpëtim Idrizi ka kërkuar nga Presidenti të mblidhet urgjentisht Këshilli i Sigurisë Kombëtare, pasi sipas tij dje ne jug të vendit ra së funksionuari shteti.

Kreu i PDIU i ka konsideruar si të turpshme veprimet e nacionalistëve grekë me thirrjet për Vorio Epirin, ndërsa sipas tij politika shqiptare hesht dhe nuk vepron.

?Ne kishim paralajmëruar se me varrezat e ushtarëve grekë në Shqipëri do bëhej vend pelegrinazhi. Kemi parë me shqetësim dhe indinjatë politikën nën tavolinë të politikës shqiptare. Greqia nuk njeh gjenocidin ndaj shqiptarëve të Çamërisë dhe pavarësinë e Kosovës. Dje u gjendëm përballë një shfaqje të turpshme. Ne dëgjuam thirrjet nacionaliste dhe raciste të grekëve në Bularat. Turp dhe për ata deputete shqiptarë e grekë që u bashkuan në nderimin e një terroristi të keqpërdorur. Ka vetëm një Epir dhe është ai i Pirros së Epirit, krahinë shekullore e Camërisë.

Ngjarje të tilla shqiptarët i kanë parë në vitin 1914, 1940 dhe në vitin 1997 por kurrë ne nuk mund ti pranojmë ti shohim të përsëritura në vitin 2018. I drejtohem shtetit shqiptar me forcë. PDIU dhe shoqata Çamëria kërkon sot me forcë të mblidhet urgjentisht Këshilli i Sigurisë Kombëtare për të vënë në alarm institucionet e sigurisë kombëtare, SHISH, SHIU, Ministrinë e Brendshme, Ministrinë e Mbrojtjes, por dhe për çështjen e financimeve greke për një pjesë të mediave dhe bizneseve.I drejtojmë shtetit shqiptar apelin që nëse nuk vendosni autoritetin e shtetit me Kushtetutë, atëherë na e thoni se do e mbrojmë ne vetë shqiptarët?-tha Idrizi./ CNA.al





Lajmet e fundit nga