web counter
LEXO PA REKLAMA!

SHKARKO APP

App Store
Google Play

E fundit!

x

“Mbyllet qepeni hapet i-phoni”/ Çfarë fshihet pas propozimit të Ramës për bixhozin

17 Tetor 2018, 19:18, Aktualitet CNA

Sekretari i Partisë Demokratike, Fatbardh Kadilli, ka komentuar vendimin e qeverisë për të mbyllur pikat e basteve dhe kazinove nga studio e Repolitix në Report Tv.

Sipas Kadillit, Rama po shfrytëzon sensibilitetin e kësaj teme. Më tej ai ka shtuar se ashtu si operacionin ?Fundi i marrëzisë?, edhe kësaj radhe gjithçka po bëhet për spektakël.

“Ktu flasim për një fenomen negativ që orienton konsumin jo tek ushqimi por tek vesi. Riqarkullohen duke bërë pastrimin e parave të pista dhe shkojnë jashtë. Kryeministri shfrytëzon këtë sensibilitet që e ngre me të drejtë. Rreth 300 milionë lekë ose më tepër dalin jashtë. Është një shumë e madhe që duhej të përdorej këtu. Qeveria duhet të ishte shumë e qartë përpara se të ndërhynte. Kësaj radhe kemi spektaklin. Do të ulim qepenat. Nuk e besoj dhe kam arsye pse se besoj. Në 2012 ishin 900 pika sot janë 4 mijë e ca”, tha Kadilli.

Kadilli ndër të tjera ka thënë se qëllimi kryesor i kryeministrit, është monopolizimi i tregut me kompaninë online “Bast Arena”, ku është i përfshirë vëllai i tij.

“Kryeministri para dy vjetësh ka lançuar një projekt për monitorimin e lojrave të fatit. Pse nuk e ka zbatuar? Është përfshirë edhe vëllai i tij. Ku jemi sot cfarë është bërë për këtë? Këta biznese kanë kontrata 10 vjeçare. Do të isha pro politikave për reduktimin. Ky kryeministër e ka shtuar bixhozin dhe do ta monopolizojë bixhozin, mbyllet qepeni hapet i-phoni”, u shpreh Kadilli.





Lajmet e fundit nga