web counter
LEXO PA REKLAMA!

SHKARKO APP

App Store
Google Play

E fundit!

x

Përgjigjet drejtori i përgjithshëm i policisë, Ardi Veliu:Mashtrim, nuk e kam marrë në makinë

9 Tetor 2018, 22:19, Aktualitet CNA

Deputeti i PD-së Ervin Salianji publikoi në emisionin ?Opinion? në Tv Klan një video ku në një kamer të fshehtë Fredi Alizoti, personi që sot pranon se ka aktruar zërin e Agron Xhafajt rrëfen krejt të kundërtën. Në pamjet e transmetuara, Alizoti nuk e di se po regjistrohet, por thotë se është marrë në makinë nga Drejtori i Policisë së Shtetit Ardi Veliu dhe është dërguar në Prokurorinë e Krimeve të Rënda në mënyrë që të pranojë versionin që i shkon për shtat mazhorancës.

Fredi Alizoti thotë se e ka takuar edhe Taulant Balla me 2 persona të tjerë, duke i bërë ofertë që të jetë me pushtetin në këtë rast.

Kjo video u transmetua nga Klan në emisionin e Fevziut pasi u nxor nga deputeti i PD-së Salianji. Video shkaktoi debat dhe sherr në emision, por xhiro e kësaj video po merr dhenë në orët e vona të natës (23.35).

Gazeta ?Koha Jone? online u interesua dhe mori një prononcim të shkurtër të drejtorit të përgjithshëm të poicisë së shtetit, Ardi Veliu, i cili tha se ndodhej në këto momente në SHBA.

Ardi Veliu pohoi nga SHBA se ?me njëmilion përqind garantoj publikun shqiptar se atë person nuk e kam takuar dhe se nuk ka asnjë shans që ai person, që foli në video, të ketë hypur në makinën time. E ka çuar policia e Fierit te Prokuroria e Krimëve të Rënda. Kjo është e verteta?- tha për Koha Jone, Ardi Veliu në ora 23.45./Koha Jone





Lajmet e fundit nga