LEXO PA REKLAMA!

SHKARKO APP

E ke mbushur vendin me telenovela/ Basha i përgjigjet "dhëmbë për dhëmbë" Ramës

8 Tetor 2018, 14:18, Aktualitet CNA
E ke mbushur vendin me telenovela/ Basha i përgjigjet

Kryeministri Edi Rama, me anë të një postimi në rrjetet sociale, thumboi kreun e opozitës, Lulzim Basha, në lidhje me audiopërgjimin e ?Babales? dhe me rastin e ish-oficerit, Emiljano Nuhu.

Në postim Rama shkruante: “Nuk ecet me teatër pasi ja si vjen puna, del një aktor i papaguar dhe të nxjerr zbuluar”.

I menjëhershëm ka qenë edhe reagimi i Bashës, i cili me anë të një postimi në rrjetet sociale, ka akuzuar Ramën, se çdo gjë që ndodh në Shqipëri, është një shfaqje e orkestruar nga kryeministri.

Ndër të tjera Basha ka thënë se Shqipëria nuk ka më kryeministër, pasi Rama në vend të mirëqënies, sigurisë dhe punësimit, e ka mbushur vendin me telenovela.

Sipas tij, Rama mendon vetëm për të mbrojtur kriminelët, të cilët së bashku me të do të përfundojnë atje ku e kanë vendin.

Postimi i plotë

Piktori i dështuar është zhytur në artin e telenovelave: shkruan, dirigjon, interpreton dhe ju servir shqiptarëve përditë nga një shfaqje bajate, ku kriminelët janë heronj dhe ku krimi është virtyt.

Shqipëria nuk ka më kryeministër. Shqiptarët nuk kanë më qeveri që mendon e punon për ta dhe hallet e tyre. Në vend të sigurisë, punësimit e mirëqenies, tani e tutje shqiptarët do të kenë vetëm telenovela. Ndërkohë qeveria, policia dhe prokuroria punojnë çdo ditë për t?i garantuar sigurinë, qetësinë, dhe paratë kriminelëve. Sepse Rama mendon dhe vepron vetëm për të mbrojtur kriminelët. Ndaj çirret e betohet nga mëngjesi në darkë për të mbrojtur Tahirin, Xhafajan, Ballën, Rrajen, Çyrbjen, Gjushin, e kriminelët e lidhur me ta.

Edi Rama nuk është më kryeminsitër por vetëm një dordolec që krimi e tund përditë në publik për të kërcënuar dhe trembur shqiptarët.

Por shqiptarët nuk tremben. Unë as trembem dhe as shantazhohem. Sepse nuk jam peng i krimit. Sepse kurrë nuk më ka lidhur asgjë me kriminelët. Sepse sado t?i mbrojë Rama kriminelët dhe mbrojtësit e tyre, ata të gjithë do të përfundojnë atje ku e kanë vendin./CNA.al

“Miku im, nuk të ndihmoj dot”/ Rama mesazh të koduar Bashës? 

 

Lajmet e fundit nga