web counter
LEXO PA REKLAMA!

SHKARKO APP

App Store
Google Play

“Kishte vetëm bomba”/ Rrëfimi tronditës i njeriut që kaloi 67 vite në internim

4 Tetor 2018, 14:39, Aktualitet CNA

Dod Nikoll Preng Lleshi është një prej personave të shumtë, që u internuan gjatë regjimit komunist në Shqipëri. Leshi ka treguar të gjitha torturat, që ka përjetuar gjatë diktaturës.

?Një vit shkollë kam bërë në jetën time, pastaj 67 vjet internim. Jam rritur jetim, na la babai dhe u arratis. Ishte me gradën major edhe ne na internuan në Lezhë. Kemi ndenjur një vit në Lezhë. Kam qenë në klasën e parë, sa e pata filluar dhe na çuan nga Lezha në Berat. Shkuam në Berat aty dhe vazhdova shkollën prapë se prapë vitin e parë. U liruam nga internimi i Beratit, na dërgojnë në Orosh?, – ka thënë ai për Kujto.al.

Pas internimit në Orosh, Lleshi ka  rrëfyer se i çuan në repartin ushtarak poshtë Tepelenës, aty u futëm ne të internuarit.

?Ku hidhje këmbën kishte vetëm bomba, fishekë, qamet i zi ishte. Përfundimisht ndenjëm aty, dhomat ishin kapanon i gjatë ,krevatet lartë edhe poshtë, ishin krevatet e ushtrisë. Ne flinim në krevatin sipër dhe përbri kishin familjen e Marka Gjonit. Vetëm një dyshek kishin ose një batanije. Si repart ushtarak ishin. Çfarë hanim? Përshesh me valë që ju nuk e dini, i hidhnim kripë në një guzhinë të repartit. Ujit i hidhnim kripë edhe bukë, buka ka qenë e trashë, thyenim bukën e copëtonim edhe e hanim?.

Më pas, ai ka treguar se e çuan për të punuar në Spaç.

?Duhej të mbaja tubat e galerisë nga shpati në Spaç, kjo rruga këtu nuk ishte. Një mungesë për 27 vjet nuk e kam bërë. Rrinim tre muaj pa bërë asnjë ditë pushimi?,- ka thënë Dod Nikoll Preng Lleshi.

Por, ai ka treguar se nuk di as të shkruajë e as të lexojë, sepse regjimi komunist nuk e lejoi të vazhdonte shkollën./ CNA.al





Lajmet e fundit nga