Lotaria Amerikane si “bingo” kundër Ramës

4 Tetor 2018, 12:00, Aktualitet CNA

Lotaria Amerikane filloi. Nuk është çudi, që njëlloj si vitet e tjera, serveri të prishet sërish, të bjerë nga aplikimet e shumta apo fluksi i pandalshëm që shkon nga Shqipëria.

Duket se edhe këtë herë, ashtu si edhe vjet, parvjet apo në këto vitet e fundit, Lotaria Amerikane të jetë një ?bingo? për shqiptarët. Një ?bingo? për shkak të situatës politike që po kalon vendi, krizës ekonomike me të cilën po përballet dhe një qeverie totalisht të pambështetur, e cila ka rritur taksat dhe është dorëzuar nën pushtetin e krimit. Por, edhe një opozite e cila duket e pashpresë, që nuk ngjall besim, që ditën bërtet ?qeveria është kapur nga krimi? dhe natën shkon dhe ndan paratë me të dhe është po aq bashkëpunëtore sa vetë ajo.

E gjithmonë e më shumë, Lotaria Amerikane duket si një ?bingo? për shqiptarët. Duket si një ?bingo? për shqiptarët dhe si një gjyq për Edi Ramën. Një gjyq për Edi Ramën, për Lulzim Bashën dhe për kasten politike në vend.

E në qoftë se në 5 vitet e fundit nga Shqipëria kanë ikur 300 mijë shqiptarë, po aq aplikojnë për Lotarinë Amerikane, megjithëse nuk e fitojnë. Të gjithë urojnë ?paç fatin e korçarëve?, sepse ekziston një ide se në Korçë bie më shumë Lotaria Amerikane.

Por, përtej kësaj, ?ishalla të bie Lotaria? do të ishte urimi më i mirë për të gjithë shqiptarët me shpresë të vrarë, të cilët kanë përpara një qeveri që nuk po mund t?ju plotësojë nevojat më minimale. Një qeveri të pushtuar nga koncesionet, ku çdo ditë ka ngjarje kriminale, ku kryeministri hallin më të madh ka si e si të zgjidhë me ligj çështjen e shpifjes dhe jo bandat, kriminelët në parlament, deputetët e lidhur me krimin. Ku kryetari i opozitës, më shumë se platforma, strategji dhe aksione e veprime për të tërhequr nga pas qytetarët dhe për të mos lejuar ata të largohen, por t?i mbajë këtu për të luftuar dhe për të rrëzuar qeverinë, Lulzim Basha më shumë ka hall sesi pasurohet kunati, sa pallate ka vjehrri, e kështu me radhë.

E këto shqiptarët i dinë. Pa folur për alternativën e tretë politike, LSI-në, që duket se nuk është ?hirushja?, por ?prostitute? politike sa në një krah në një krah tjetër, që nuk i duhet më askujt.

Dhe kështu shqiptarët vazhdojnë të marrin arratinë. Të ikin rrugëve të Europës. Përpiqen të mbushin llotari, të zhduken ku të mundin dhe të shpëtojnë fëmijët dhe familjet e tyre. Dhe kjo kuptohet, gjithmonë për shkak të ?mirëqënies? së madhe, rritjes së pagave, rritjes së pensioneve, uljes së çmimeve, shpresës që ngjall opozita, se kur të ikë kjo qeveri e të vijë opozita, më mirë do bëhet. Prandaj dhe shqiptarët ikin. Prandaj dhe shqiptarët aplikojnë Lotarinë Amerikane. Ajo është shpresa e fundit e tyre. Ajo është një ?bingo?.

Është një ?bingo? për shqiptarët sepse shpresa e tyre është e vrarë dhe përtej propagandës politike ka vetëm një fjali ?Ishalla të bie Lotaria?./ CNA.al