web counter
LEXO PA REKLAMA!

SHKARKO APP

App Store
Google Play

Sekuestrimi i një milion eurove/ PD sulmon Xhafajn

22 Gusht 2018, 17:50, Aktualitet CNA

Partia Demokratike me anë të një deklarate për shtyp, ka sulmuar sërish policinë e shtetit.

Sipas opozitës, policia tallet me pritshmërite e shqiptarëve, pasi ?Forca e Ligjit?nuk vepron mbi Edmond Begon por mbi pasuritë e një të vdekuri, duke iu referuar lajmit për sekuestrimin e një million eurove.

Në komunikatë thuhet se policia nuk vepron mbi Edmond Bego, për shkak të lidhjeve që ky i fundit ka me Kreun e Grupit Parlamentar të PS, Taulant Balla.

Më tej opozita kërkon nga policia që të sqarojë opinionin publik, se pse ligji nuk po vepron mbi trafikantët e lidhur me pushtetin, si Agron Xhafaj dhe Edmond Bego.

Sipas tyre heshtja e policisë së Fatmir Xhafës, vërteton lidhjet e kryeministrit Edi Rama me krimin.

Deklarata e plotë

Kur të gjithë presin që Policia dhe Prokuroria të zbatojnë ?Forcën e Ligjit? për sekuestrimin e pasurive të Edmond Begos, trafikantit të drogës të shndërruar në biznesmen me lidhje politike, policia tallet me pritshmëritë e shqiptarëve, duke njoftuar se ?Forca e Ligjit? ka rënë mbi pasuritë e një të vdekuri.

Policia njofton si sukses sekuestrimin e 1 milionë eurove të një shtetasi shqiptar qe nuk jeton më dhe që dyshohet për pjesëmarrje në trafikun e drogës ne Greqi, por Policia hesht dhe ?Forca e Ligjit? nuk vepron për mikun e familjes së Taulant Ballës, i dënuar me 21 vjet burg në Itali për trafik droge.

Duke kërkuar që ?Forca e ligjit të mos bjerë vetëm mbi pasuritë e atyre që nuk jetojnë më, por edhe mbi pasuritë e krimit të lidhur me pushtetin, Partia Demokratike i kërkon Policisë së Shtetit të sqarojë opinionin publik

 

 

 

Heshtja e Policisë së Shtetit, e Fatmir Xhafës dhe Taulant Balles provon se me Edi Ramën kryeministër krimi ka imunitet dhe mbrohet nga qeveria. /CNA.al

 





Lajmet e fundit nga